ԵՐԵՎԱՆ, 8 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի
կառավարութիւնը կվերանայի այս տարուայ յունիսի 18-ին ընդունած թիւ
684 որոշումը, որով Ջրվէժի անտառապարկի տարածքից 24 հա հող է դուրս
բերուել եւ տրուել Ողջաբերդի համայնքին: Ինչպէս կառավարութեան
հոկտեմբերի 8-ի նիստում նշեց ՀՀ վարչապետ Տիգրան Սարգսեանը, այդ
որոշումը լայն արձագանք է գտել եւ քննադատութեան արժանացել
լրատվամիջոցների ու բնապահպանական ուղղուածութեան հասարակական
կազմակերպութիւնների կողմից: Ըստ վարչապետի, քանի որ այս հարցը
բուռն քննարկումների առարկայ է դարձել, ապա այդ խնդրին նորից պէտք է
անդրադարձ կկատարուի: