Ամենայն Հայոց Կաթողիկոսն ընդունել է Էջմիածնի
քույր-քաղաքների ներկայացուցիչներին
07-10-2009 18:38:00 | Հայաստան | Հասարակութիւն
ԷՋՄԻԱԾԻՆ, 7 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Գարեգին Բ Ծայրագոյն
Պատրիարք եւ Ամենայն Հայոց Կաթողիկոսը հոկտեմբերի 7-ին ընդունել է
Էջմիածնի քաղաքապետ Կարեն Գրիգորեանին եւ Էջմիածնի քույր-քաղաքներ
Իսի-Լե-Մուլինոյի (Ֆրանսիա) եւ Պետրոզավոդսկի (Ռուսաստան)
ներկայացուցիչներին: Վերջիններս Հայաստան են ժամանել` մասնակցելու
Էջմիածին քաղաքի օրուան նուիրուած տոնակատարություններին:
Վեհափառ Հայրապետը շնորհաւորել է ներկաներին Էջմիածնի օրուայ
կապակցութեամբ` նշելով, որ յաւերժութեան խորհուրդը պարունակող
Էջմիածին քաղաքի տոնը կարեւոր խթան կդառնայ ազգային կեանքում քաղաքի
դերի ու առաքելութեան արժեւորման համար: Նորին Սրբութիւնը նաեւ
կարեւոր է նկատել քույր-քաղաքների միջեւ ձեւաւորուած
համագործակցութիւնը` յորդորելով առաւել սերտացնել եւ
արդյունավորել այդ բարեկամութիւնը տարբեր ձեռնարկներով:
Ըստ Մայր Աթոռ Սբ. Էջմիածնի Տեղեկատուական համակարգից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, Էջմիածնի քաղաքապետ Կարեն
Գրիգորեանը Վեհափառ Հայրապետին ներկայացրել է քույր-քաղաքների հետ
իրականացyող համատեղ ծրագրերը: