ՀՀ Մարդու իրաւունքների պաշտպան Արմէն Յարութիւնեյանը ընտրուել
է Եւրոպական Օմբուդսմանի Ինստիտուտի կառավարման խորհրդի անդամ
06-10-2009 23:30:00 | Հայաստան | Հասարակութիւն
ԵՐԵՎԱՆ, 6 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իտալիայի Ֆլորենցիա
քաղաքում տեղի է ունեցել Եւրոպական Օմբուդսմանի Ինստիտուտի
հերթական ամենամեայ ընդլայնուած համաժողովը, որի ընթացքում ՀՀ Մարդու
իրաւունքների պաշտպան Արմէն Յարութիւնեյանը ընտրուել է Եւրոպական
Օմբուդսմանի Ինստիտուտի կառավարման խորհրդի անդամ:
Ընտրութիւններին մասնակցել են մօտ 60 երկրների ներկայացուցիչներ,
որոնց թւում եղել է նաեւ ԼՂՀ Օմբուդսման Եուրի Հայրապետեանը, ով
լինելով այս կազմակերպութեան լիիրաւ անդամ, մասնակցել է կառավարման
խորհրդի ընտրութիւններին:
Ինչպէս տեղեկացնում են ՀՀ Մարդու իրաւունքների պաշտպանի
տեղեկատուութեան եւ հասարակայնութեան հետ կապերի բաժնից,
կառավարման խորհրդի անդամները ընտրվում են 2 տարի ժամկէտով:
Օմբուդսմանների եւրոպական ինստիտուտը հիմնադրուել է 1988
թուականին` Աուստրիայում: Կազմակերպութեան խնդիրներից են մարդու
իրաւունքների պաշտպանութեան բնագաւառում գիտական
հետազօտութիւնների անցկացումը, քաղաքացիական ազատութիւնների
պաշտպանութիւնը, օմբուդսմանների հաստատութիւնների սատարումն ու
գիտական օժանդակումը: Ներկայումս եւրոպական բոլոր երկրների
օմբուդսմանները յիշեալ կառոյցի անդամներ են: