Ամենայն Հայոց Կաթողիկոսն ընդունել է Սիդնեյի Համազգային
«Արշակ եւ Սոֆի Գոլսթն» ճեմարանի սաներին
05-10-2009 16:30:00 | Հայաստան | Հասարակութիւն
ԷՋՄԻԱԾԻՆ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Հոկտեմբերի 4-ին, Մայր Աթոռ Սուրբ Էջմիածնում, Ս. Պատարագի աւարտին
Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց
Կաթողիկոսն ընդունել է Աուստրալիայից ժամանած Համազգային «Արշակ եւ
Սոֆի Գոլսթն» ճեմարանի սաներին` ուղեկցութեամբ ճեմարանի տեսուչ
Քայլար Միքայելեանի:
Ինչպէս յայտնում են Մայր Աթոռ Ս. Էջմիածնի տեղեկատուական
համակարգից, Վեհափառ Հայրապետն իր օրհնութիւնն է բերել երիտասարդ
ուխտավորներին` բարձր գնահատելով եւ յաջողութիւններ մաղթելով
նրանց կարեւոր առաքելութեանը, որը Հայրենիքի ճանաչողութեան եւ
ազգային ոգու առաւել զորացման հրաշալի առիթ է: Հանդիպմանը
երիտասարդները Նորին Սրբութեանը ներկայացրել են իրենց
տպավորությունները Մայր Հայրենիքից: