Առաջին անգամ ՏՏ ոլորտում նախագահական մրցանակներ յանձնուեցին
սփիւռքահայ ուսանողներին
02-10-2009 18:30:00 | Հայաստան | Հասարակութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ սփիւռքի նախարար
Հրանուշ Յակոբեանի նախաձեռնութեամբ 2009 թուականից ՀՀ նախագահի ՏՏ
ոլորտի կրթական ամենամեայ մրցանակաբաշխությունը ներառեց լաւագոյն
սփիւռքահայ ուսանող անվանակարգը: Առաջինը մրցանակների արժանացան
Երեւանի պետական համալսարանի իրանահայ ուսանող Արադա Մալեկյանը
(1-ին կարգ) եւ Հայաստանի պետական ճարտարագիտական համալսարանի
իրաքահայ ուսանողուհի Վարթան Մարալ Գնունին (2-րդ կարգ):
Նրանք 5-րդ մրցանակաբաշխութեան յաղթող 23 ուսանողների եւ 7
աշակերտների թւում էին: Օրերս ՀՀ նախագահի նստավայրում անցկացուած
պարգեւատրման արարողութեանը սփիւռքահայ ուսանողներին կրթական
պարգեւների շնորհումը կարեւորելով` ՀՀ Սփիւռքի նախարար Հրանուշ
Հակոբեանն ընդգծեց. «ՀՀ բնական ռեսուրսը ոչ միայն Հայաստանի, այլեւ
Սփիւռքի մարդիկ են, որովհետեւ հայ ժողովուրդն է ամբողջութեամբ
հանդիսանում ազատ երկրի տերը, եւ ամբողջ հայ ժողովրդի գիտելիքները,
փորձը, կարողութիւնը պէտք օգտագործենք Հայաստանը զորացնելու,
զարգացնելու համար»: «Լաւագոյն սփիւռքահայ ուսանող»
անուանակարգում 1-ին կարգի մրցանակակիր Արադա Մալեկյանն իր գիտական
ապագան տեսնում է Հայաստանում եւ ցանկանում ինչ-որ չափով ներդրում
ունենալ Հայրենիքում գիտութեան զարգացման մէջ:
ՏՏ ոլորտի լաւագոյն ուսանողներին եւ աշակերտներին ՀՀ
նախագահի ամենամեայ կրթական պարգեւները շնորհւում են ըստ 2005թ.
ապրիլին, ՀՀ նախկին նախագահ Ռոբերտ Քոչարեանի հաւանութեամբ,
«Սինոփսիս Արմէնիա» ՓԲԸ-ի եւ «Հայաստան» համահայկական հիմնադրամի
ստորագրած համաձայնագրի: Արարողութեան ժամանակ «Սինոփսիս»-ի
կորպորատիվ մարքեթինգի եւ ստրատեգիական շուկաների զարգացման գծով
փոխնախագահ, «Սինոփսիս Արմէնիա»-ի գլխաւոր գործադիր տնօրէն Ռիչ
Գոլդմանը նշեց, որ ՏՏ ոլորտում աչքի ընկած ուսանողները լինելու են
Հայաստանի առաջընթացի իրական առաջնորդները: Նրա խօսքերով, «մենք
պէտք է Հայաստանում զարգացնենք հոյակապ ինժեներական ապագայ եւ
երկիրը կապենք մնացեալ աշխարհին համացանցի եւ տեղեկատուական
տեխնոլոգիաների միջոցով»: Իսկ ընկերութեան գործադիր տնօրէն Հովիկ
Մուսայելյանն ասաց. «Ըստ էութեան, մենք ստեղծում ենք մեր ապագայ
տնտեսական, գիտակրթական, ինչու չէ` նաեւ քաղաքական գենոֆոնդը»:
ՀՀ նախագահի ամենամեայ կրթական մրցանակաբաշխությունը
ֆինանսաւորւում է «Սինոփսիս Արմէնիա»-ի կողմից:
Մրցանակաբաշխութիւնն առաջին անգամ անցկացուել է 2005թ, պարգեւ է
շնորհուել ՏՏ ոլորտի 18 լաւագոյն ուսանողի եւ աշակերտի: 2006թ.
նախագահական կրթական պարգեւի է արժանացել 19 ուսանող եւ աշակերտ:
2007թ. ՀՀ նախագահի ամենամեայ կրթական պարգեւների շնորհման
յանձնաժողովը իր ընտրութիւնը կատարել է 148 թեկնածուից: Մրցանակ է
ստացել են 27 ուսանող եւ աշակերտ, իսկ 2008թ.` 29 ուսանող եւ
աշակերտ` 134 թեկնածուից: 2009թ. յաղթող 23 ուսանող եւ 7 աշակերտն
ընտրուել են Հայաստանի պետական ճարտարագիտական համալսարանի, Երեւանի
պետական համալսարանի, Հայաստանի ամերիկեան համալսարանի
ճարտարագիտության ֆակուլտետի, Եւրոպական տարածաշրջանային
ուսումնական ակադեմիայի, Ռուս-հայկական (սլավոնական) համալսարանի
50, ինչպէս նաեւ Ա. Շահինեանի անվ. ֆիզիկա-մաթեմատիկական
մասնագիտացած կրթահամալիրից, «Քվանտ», Անանիա Շիրակացու, ՀՊՃՀ-ի
հենակետային վարժարաններից, Գիւմրու «Ֆոտոն» եւ Վանաձորի «Էվրիկա»
քոլեջների 60 թեկնածուներից:
Պարգեւների յանձնման արարողութիւնից յետոյ մրցանակակիրներին,
«Սինոփսիսի» եւ «Սինոփսիս Արմէնիա»-ի ղեկավարութեանն ընդունել է ՀՀ
նախագահ Սերժ Սարգսեանը: ՀՀ նախագահը Ռիչ Գոլդմանին պարգեւատրել է
յատուկ մրցանակով` ՏՏ ոլորտում լաւագոյն ուսանողներին շնորհվող
ամենամեայ կրթական պարգեւների մրցանակաբաշխութեան կայացման գործում
նշանակալի աւանդի համար:
Նշուած մրցանակաբաշխությունը «Սինոփսիսի» շաբաթը Հայաստանում»
աւանդական միջոցառումների շարքի (սեպտեմբերի 28-հոկտեմբերի 2) մասն
է: Դրանց թւում էին նաեւ Միկրոէլեկտրոնիկայի հայաստանեան
օլիմպիադայի եզրափակիչը, մրցանակաբաշխութեան եւ օլիմպիադայի
յաղթողների ընդունելությունը, «Սինոփսիսի» համալսարանական ծրագրերի
շրջանաւարտներին վկայականների յանձնման արարողութիւնները,
«Սինոփսիսի» նախագահ եւ գլխաւոր գործառնական տնօրէն Չի-Ֆուն Չանի
ու Ռ.Գոլդմանի դասախօսութիւնները համալսարաններում եւ «Դիջիթեք»
ցուցահանդէսում:
«Սինոփսիս» ընկերութիւնը էլեկտրոնային նախագծման
աւտոմատացման ոլորտի համաշխարհային առաջատարն է, որը շուկային
մատակարարում է կիսահաղորդիչների նախագծման, ստուգման եւ
արտադրութեան համար անհրաժեշտ ծրագրային միջոցներ, մտաւոր
սեփականութիւն եւ ծառայութիւններ: «Սինոփսիս»-ը Հայաստանում
գործունէութիւնը սկսել է 2004 թուականին: «Սինոփսիս Արմէնիա» ՓԲԸ-ն
«Սինոփսիսի» կարեւորագոյն մասնաճյուղերց մէկն է եւ ունի 400-ից
աւելի ճարտարագետ-աշխատակից: