Ուկրաինայի հայկական համայնքների թիմերի մինի-ֆուտբոլի
մրցաշարում յաղթեց Լուգանսկի թիմը
28-09-2009 17:37:00 | | Սպորտ
ԿԻԵՎ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Ուկրաինայի հայկական համայնքների թիմերի մինի-ֆուտբոլի մրցաշարում,
որ անցկացուեց 26-27-ը Լուգանսկում, յաղթող դարձաւ Լուգանսկ քաղաքի
թիմը: Ղրիմի թիմը զբաղեցրեց երկրորդ տեղը, բրոնզէ մրցանակակիր
դարձաւ Պոլտավայի հայ համայնքի թիմը:
Ինչպէս հաղորդում է Analitika.at.ua-ն, մրցաշարին մասնակցում
էին Ղրիմի, Դոնեցկի, Լվովի, Օդեսայի, Պոլտավայի, Լուգանսկի եւ
Չերկասի հայ համայնքների թիմերը:
Յիշեցնենք, որ Ուկրաինայի հայ համայնքների թիմերի
մինի-ֆուտբոլի մրցաշարն անցկացւում է ամէն տարի: Հովանաւորը
Ուկրաինայի Հայ երիտասարդական միութիւնն է: