Երեւանում նշւում է աշխարհահռչակ ուրարտագետ Նիկոլա
Յարութիւնեանի 90-ամեակը
22-09-2009 15:14:00 | Հայաստան | Հասարակութիւն
ԵՐԵՎԱՆ, 22 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 22-ին
աշխատանքն է սկսել «Ուրարտուն եւ իր հարեւանները» գիտաժողովը`
նուիրուած աշխարհահռչակ ուրարտագետ, պրոֆեսոր Նիկոլա Յարութիւնեանի
90-ամեակին: Ըստ Հայաստանի Ազգային ակադեմիայի մամլոյ ծառայութեան,
գիտաժողովի կազմակերպիչներն են ՀՀ ԳԱԱ Արեւելագիտության
ինստիտուտը, Մերձաւոր Արեւելքի եւ Կովկասի ուսումնասիրությունների
ասոցիացիան, ՀՀ ԳԱԱ-ի Հնագիտութեան եւ ազգագրութեան ինստիտուտը,
Հայաստանի գերմանական համալսարանը:
Գիտաժողովի կազմկոմիտէի նախագահ Արամ Քոսհանը, բացելով
գիտաժողովը, մանրամասն ներկայացրել է Ն.Յարութիւնեանի անցած
գիտական ուղին, կարեւորել նրա խոշոր վաստակը ուրարտագիտության
ոլորտում:
ՀՀ ԳԱԱ-ի Հայագիտութհան եւ հասարակական գիտութիւնների
բաժանմունքի ակադեմիկոս-քարտուղար Վլադիմիր Բարխուդարեանն ընդգծել
է ուրարտագիտության մէջ ունեցած նրա մեծ աւանդը` յատկապէս
կարեւորելով Ն.Յարութիւնեանի` «Ուրարտական արձանագրութիւնների
դիվան»-ում ուրարտական արձանագրութհունների հաւաքագրման, դրանց
վերծանման եւ մեկնաբանման բազմամեայ աշխատանքը:
ՀՀ ԳԱԱ Արեւելագիտության ինստիտուտի տնօրէն Ռուբէն
Սաֆրաստեանը կարեւորել է այն փաստը, որ ի յարգանք պրոֆեսոր
Ն.Յարութիւնեանի գիտական վաստակի, նրան շնորհավորելու եւ
գիտաժողովին մասնակցելու են ժամանել Գերմանիայի, Իտալիայի, ԱՄՆ-ի,
Իսպանիայի, Իրանի համաշխարային ճանաչում ունեցող ուրարտագետներ:
«Սա խոսում է այն մասին, որ հայ գիտնականների ուրարտագիտական
ուսումնասիրություններն ուրարտագիտության մէջ զբաղեցնում են
առաջատար դիրքեր»,- նշել է Ռ.Սաֆրաստեանը:
ՀՀ կրթութեան եւ գիտութեան նախարար Արմէն Աշոտեանը հոբելյարին
յանձնել է նախարարութեան Ոսկէ մեդալ:
Գիտաժողովը իր աշխատանքը կշարունակի մինչեւ սեպտեմբերի 24-ը: