Սարգիս Մազմանյան. Երեւանի պետհամալսարանի
լաբորատոր-հետազոտական հզորությունները հնացած են, մինչդեռ
կրթութեան որակը բարձր է, իսկ ուսանողները` տաղանդաւոր
11-09-2009 21:30:00 | Հայաստան | Հասարակութիւն
ԵՐԵՎԱՆ, 11 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 11-ին ՀՀ
սփիւռքի նախարար Հրանուշ Հակոբեանն ընդունեց ամերիկահայ կենսաբան,
Կալիֆորնիայի տեխնոլոգիական ինստիտուտի պրոֆեսորի օգնական Սարգիս
Մազմանեանին:
Ինչպէս տեղեկացրեցին ՀՀ Սփիւռքի նախարարութիւնից, գիտնականը
տիկին Հ.Յակոբեանին ներկայացրեց Հայաստան այցի նպատակը, որն է`
ուսումնասիրել ուսանողությանը գիտութեան ոլորտում աջակցութիւն
տրամադրելու հնարաւորութիւնները: Տիկին նախարարն իր
պատրաստակամութիւնը յայտնեց քննարկել ոլորտին առնչուող աջակցութեան
ծրագրերը:
Գիտնականը մտադիր է 2010թ. կենսաբանություն առարկայի
դասախօսութիւններ կարդալ Երեւանի պետական համալսարանում եւ
ուսումնական ծրագիրը նախապատրաստելու համար ծանօթացել է բուհի
կենսաբանութեան ֆակուլտետում տարւվող աշխատանքներին:
Ս.Մազմանեանը հաւաստեց, որ առաջին անգամ լինելով Հայրենիքում
լաւ տպաւորութիւն է ստացել: Նա նշեց նաեւ, որ իր գնահատմամբ,
համալսարանի լաբորատոր-հետազոտական հզորությունները հնացած են, շատ
սարքաւորումներ 30-40 տարուայ հնութեան են, իսկ հետազոտական
աշխատանքերի նպատակով ռեակտիվներ գնելու համար միջոցները չեն
բաւարարում եւ դա այն դէպքում, երբ բժշկական կրթութեան որակը
բարձր է, իսկ ուսանողները` տաղանդաւոր:
Ամերիկահայ կենսաբանը հոյս յայտնեց, որ ապագայում կգտնուեն
ԵՊՀ-ի գիտական աշխատանքների մակարդակը բարձրացնելու
հնարաւորութիւններ: Այդ նպատակով սփիւռքահայերի ներուժն
օգտագործելու ճանապարհին անհրաժեշտ կլինի կազմակերպել տուեալների
շտեմարանների ձեւաւորում եւ գաղափարների փոխանակում, որից յետոյ
հնարաւոր կլինի անցնել գործնական քայլերի:
Ս.Մազմանեանը տարուայ ընթացքում երեք ամիս դասավանդում է
Կալիֆորնիայի տեխնոլոգիական համալսարանում, իսկ տարուայ միւս
ամիսներին ղեկավարում է միկրոկենսաբանության եւ իմունոլոգիայի
մասնաւոր լաբորատորիայի աշխատանքները: