Ճապոնիայի կառավարութիւնը Հայաստանին կտրամադրի 170 մլն իեն
հերթական դրամաշնորհը
04-09-2009 21:00:00 | Հայաստան | Տնտեսութիւն
ԵՐԵՎԱՆ, 4 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի
Գիւղատնտեսութեան նախարարութիւնում սեպտեմբերի 4-ին ստորագրուեց
Ճապոնիայի կառավարութեան կողմից Հայաստանին 170 մլն իեն հերթական
դրամաշնորհի տրամադրման պայմանագիրն ու ՀՀ կառավարութեան եւ
Ճապոնիայի միջազգային զարգացման գործակալութեան «Դրամաշնորհային
աջակցութիւն սակաւ ապահով ֆերմերների համար» ծրագրի իրականացման
համաձայնագիրը: Փաստաթղթերը ստորագրեցին ՀՀ գիւղատնտեսութեան
նախարար Գերասիմ Ալավերդեանը, ՀՀ-ում Ճապոնիայի դեսպանութեան
խորհրդական Մասակի Իկեգաման եւ Ուզբեկստանում Ճապոնիայի միջազգային
զարգացման գործակալութեան ներկայացուցիչ Յուկիկո Էջիրին:
Ըստ Գ.Ալավերդեանի, դրամաշնորհը նպատակաուղղուելու է
գիւղտեխնիկայի ձեռքբերմանը (5 կոմբայն եւ 30 տրակտոր) եւ այն
պահանջարկ ունեցող համայնքներին անհատոյց տրամադրմանը: Նախարարը
նշեց, որ 1997թ.-ից սկսած Ճապոնիայի կառավարութիւնը Հայաստանին
տրամադրել է 2 մլրդ 600 մլն իեն, որով ձեռք են բերուել 63
հացահատիկահավաք կոմբայններ եւ 305 տրակտորներ` համալրուած
համապատասխան գյուղգործիքներով եւ պահեստամասերով:
Նախարարի խօսքերով, համաձայնագրով կառավարութիւնը
պարտաւորւում է ճապոնական կողմին ազատել մաքսային
պարտավորություններից, երկրի ներսում գործող հարկերից, ինչպէս նաեւ
Գործընկերային հիմադրամի ստեղծման նպատակով բանկային յատուկ հաշուի
վրայ տեղական տարադրամով ներդրումներ կատարել` ներմուծվող
ապրանքների FOB արժէքի առնուազն 50%-ի չափով: