Ներսէս Կարամանուկեանը նշանակուել է«Արդշինինվեստբանկ»-ի
վարչութեան նախագահ
18-07-2009 19:28:00 | Հայաստան | Տնտեսութիւն
ԵՐԵՎԱՆ, 18 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 18-ին
«Արդշինինվեստբանկ»-ի վարչութեան նախագահ է նշանակուել Ներսէս
Կարամանուկեանը: Ներկայացնելով նորանշանակ վարչութեան նախագահին,
բանկի Խորհրդի նախագահ Կարեն Սաֆարեանը վստահութիւն է յայտնել, որ
Ն.Կարամանուկեանը կդառնայ Արդշնինվետբանկում ձեւաւորուած
աւանդոյթների շարունակողը:
Իր հերթին Ն.Կարամանուկեանը նշել է, որ բանկում աշխատում են
արհեստավարժ եւ բանիմաց մասնագէտներ, որոնց հետ շատ լուրջ եւ
կարեւոր ծրագրեր են իրականացուելու: «Մեր յետագայ գործունէութեան
ընթացքում հաշուի են առնուելու ինչպէս առկայ միջազգային ֆինանսական
դժուարութիւնները, այնպէս էլ մեր երկրի տնտեսութեան
առանձնահատկությունները»,- ասել է նա:
Ըստ «Արդշինինվեստբանկ»-ից «ՆՏ»-ին տրամադրած տեղեկանքի,
Ն.Կարամանուկեանը ծնուել է 1959թ.-ին, մասնագիտութեամբ տնտեսագէտ է:
Աշխատել է ՀՀ կառավարութեան աշխատակազմում, եղել է Մայր Աթոռ Սբ.
Էջմիածնի Ֆինանսատնտեսական մասի գործերի կառավարիչը: Վերջին ութ
տարիների ընթացքում, մինչեւ նոր նշանակումը, եղել է Համաշխարհային
բանկի խմբի անդամ Միջազգային ֆինանսական կորպորացիայի (IFC)
երեւանեան գրասենեակի ղեկավարը: