Իգնա Սարըասլանն ընտրուել է «ՊԷՆ»-ի Պատւոյ խորհրդի անդամ
19-06-2009 20:10:00 | | Մշակոյթ
ՍՏԱՄԲՈՒԼ, 19 ՅՈՒՆԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Լոյս է
տեսել պոլսահայ բանաստեղծուհի Իգնա Սարըասլանի «Թոդորի
մայրամուտին» երկարաշունչ բանաստեղծութիւնը հայերէն եւ թուրքերեն
լեզուներով:
Բողազիջի համալսարանի հրատարակչութեան «Միմեսիս»
պարբերաթերթը, որ լոյս է տեսնում տարին մէկ անգամ` մօտաւորապէես
500 էջ ծաւալով, իր 15-րդ համարում տպագրել է Սարըասլանի
բանաստեղծութեան բնագիրն ամբողջութեամբ եւ Պերճուհի Բերբերեանի
թուրքերեն թարգմանությունը: Ինչպէս գրում է «Մարմարա» օրաթերթը,
հաւանաբար առաջին անգամն է, որ թուրքերեն լոյս տեսնող
պարբերականում տպագրվում է հայատառ այսքան երկար բանաստեղծութիւն:
Վկայակոչելով թուրքական մամուլը` «Մարմարա»-ն յայտնում է
նաեւ, որ Իգնա Սարըասլանը ընտրուել է Համաշխարհային գրողների
միութեան` «ՊԷՆ»-ի տնօրինությանն առընթեր Պատւոյ խորհրդի անդամ: