«Ոսկէ ծիրան» միջազգային 6-րդ կինոփառատօնը կունենայ հինգ
մրցութային ժիւրի
19-06-2009 16:38:00 | Հայաստան | Մշակոյթ
ԵՐԵՎԱՆ, 19 ՅՈՒՆԻՍԻ, ՆՈՅԵԱՆ ՏԱՊԱՆ: Երեւանում յուլիսի
12-19-ին կայանալիք «Ոսկէ ծիրան» միջազգային 6-րդ կինոփառատօնը
կունենայ հինգ` միջազգային խաղարկային, միջազգային վավերագարական
ֆիլմերի, «Հայկական համայնապատկեր» ծրագրի, ինչպէս նաեւ երկու
միջազգային հասարակական կազմակերպութիւնների` Էկումենիկ
եկեղեցիների խորհրդի եւ Միջազգային կինոլրագրողների եւ
կինոքննադատների ասոցիացիայի (FIPRESCI) մրցութային ժիւրիներ:
Կինոփառատօնի Մամլոյ ծառայութեան տեղեկատուութեան համաձայն,
խաղարկային ֆիլմերի ժյուրին կղեկավարի Ճապոնացի հանրայայտ ռեժիսոր
եւ սցենարիստ Կոհեյ Օգուրին, վաւերագրական ֆիլմերինը` ռուս
կինոպրոդիւսեր եւ ռեժիսոր Ալեքսանդր Ռոդնյանսկին:
«Հայկական համայնապատկեր» կինոմրցույթի ժյուրին կգլխաւորի
Նիդեռլանդներից ժամանած Հայկ Բալեանը: Վերջինս որպէս կինոարտադրող
1975-1996թթ.-ին մեծ դեր է ունեցել Հոլանդիայի եւ Բելգիայի
առաջատար ընկերութիւններում, զբաղուել է հեռուստատեսային եւ
կինոարտադրությամբ:
FIPRESCI-ի ժիւրիի կազմում են Ժան-Մաքս Մեժանը (Ֆրանսիա),
Ջովաննի Օտտոնեն (Իտալիա), Արծուի Բախչինեանը (Հայաստան): Իսկ
Էկումենիկի ժիւրիի կազմում ընդգրկուած են Գվիդո Կոնվենտսը
(Բելգիա), Դենիս Մյուլլերը (Ֆրանսիա) եւ Հայ առաքելական եկեղեցու
ներկայացուցիչը: