Հայաստանի Պետեկամուտների կոմիտէի պետի տեղակալը 2008թ.-ի
հարկային եկամուտների աճը համարում է աննախադէպ
05-06-2009 18:34:00 | Հայաստան | Տնտեսութիւն
ԵՐԵՎԱՆ, 5 ՅՈՒՆԻՍԻ, ՆՈՅԵԱՆ ՏԱՊԱՆ: 2008թ.-ին Հայաստանում
գրանցուել է հարկային եկամուտների հավաքարգման աննախադէպ աճ:
Յունիսի 5-ին ՀՀ Ազգային Ժողովի մշտական յանձնաժողովների համատեղ
նիստում ՀՀ 2008թ.-ի պետական բիւջէի կատարման նախնական քննարկման
ժամանակ այս մասին յայտարարեց ՀՀ Պետեկամուտների կոմիտէի պետի
տեղակալ Արմէն Ալավերդեանը:
Ըստ նրա, պետբիւջէի հարկային եկամուտները կազմել են 615 մլրդ
դրամ, ընդ որում, այս թւում ներառուած չեն 25,4 մլրդ դրամ կազմող
ԱԱՀ-ի հավելաճարների վերադարձի գումարները: 2007թ.-ի համեմատ
հարկային եկամուտներն աճել են 119,3 մլրդ դրամով, կամ 24%-ով:
Ա.Ալավերդեանը նշեց, որ 2-3 հարկատեսակների գծով եղել է
թերհավաքագրում: Մասնաւորապէս, ալկոհոլային խմիչքի ներկրման աճի
հետեւանքով հայրենական արտադրութեան ծաւալների նուազմամբ
պայմանաւորուած ակցիզային հարկերը հավաքագրվել են նախատեսուածի 90%-ի
չափով եւ կազմել 715,6 մլն դրամ:
Պարզեցուած հարկի գումարները 2008թ.-ին նուազել են 3,3 մլրդ
դրամով պակաս է եղել նախատեսուածից` այս հարկատեսակին վերաբերող
օրենսդրական փոփոխութեան արդիւնքում: Բնապահպանական վճարների
հաւաքագրումը կազմել է նախատեսուածի 97,6%-ը, կամ նախատեսուածից 139
մլն պակաս: