Սամուէլ Սեւյանը ԱՄՆ-ում մասնագիտական մակարդակի հասած
ամենակրտսեր շախմատիստն է
22-05-2009 20:20:00 | ԱՄՆ | Սպորտ
ԼՈՍ ԱՆՋԵԼԷՍ, 22 ՄԱՅԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: «Լոս
Անջելէս Թայմզ»-ը վերջերս անդրադարձել է ԱՄՆ-ի Շախմատի ֆեդերացիայի
ապրիլ ամսուայ լաւագոյն խաղացողների շարքում աչքի ընկնող ութամեայ
Սամուէլ Սեւյանին: Սամվելը ցուցակում ապահովել է 2001 միաւոր եւ
դարձել մասնագիտական մակարդակի հասած ամենակրտսեր խաղացողը:
Ինչպէս հաղորդում է «Մարմարան»` վկայակոչելով լոսանջելեսյան
«Ասպարէզ»-ը, փոքրիկ Սամվելը ծնուել է Նյու Յորքում: Այժմ բնակւում
է Կալիֆոռնիայի Սանտա Կլարա քաղաքում: Իր յաջողութեան համար
պարտական է հօրը` Արմէնին, ով մասնագիտութեամբ բժիշկ է: Սամվելը
մարզւում է շախմատի միջազգային կարգի վարպետ Անդրանիկ Մաթիկոզյանի
մօտ, եւ երազում է մասնակցել Թուրքիայում կայանալիք աշխարհի
երիտասարդական մրցումներին` մինչեւ 10 տարեկանների կարգում: