2008թ.-ի առաջին եռամսյակի համեմատ Հայաստանի պետբիւջէ սոցապ
վճարներն աճել են 1,2%-ով, իսկ այլ եկամուտները` 68,6%-ով
12-05-2009 11:37:00 | Հայաստան | Տնտեսութիւն
ԵՐԵՎԱՆ, 12 ՄԱՅԻՍԻ, ՆՈՅԵԱՆ ՏԱՊԱՆ: 2009թ.-ի յունուար-մարտին
պարտադիր սոցիալական ապահովութեան վճարների գծով ՀՀ պետբյուջի
եկամուտները կազմել են աւելի քան 21,5 մլրդ դրամ (մօտ 56,4 մլն ԱՄՆ
դոլար), որոնց գծով եռամսյակային ծրագիրը կատարուել է 98,8%-ով:
2008թ.-ի նոյն ժամանակահատուածի համեմատ պարտադիր սոցիալական
ապահովութեան վճարների ծաւալն աճել է 1,2%-ով կամ 251,2 մլն
դրամով:
ՀՀ Ֆինանսների նախարարութեան Տեղեկատուութեան եւ
հասարակայնութեան հետ կապերի բաժնի տուեալներով, այս տարուայ առաջին
եռամսյակում պետբիւջէի հաշուին ստացուել են աւելի քան 2,5 մլրդ
դրամի պաշտօնական դրամաշնորհներ, որոնց գծով եռամսյակային ծրագիրը
կատարուել է 101,3%-ով: Նշուած գումարից շուրջ 1,3 մլրդ դրամը
ստացուել է Եւրոպական հարեւանութեան քաղաքականութեան շրջանակներում
ՀՀ-ԵՄ գործողութիւնների ծրագրով նախատեսուած միջոցառումների
ֆինանսաւորման համար, 1,2 մլրդ դրամը` Եւրամիութեան Հայաստանում
պարենային ապահովութեան ծրագրի շրջանակներում, իսկ 67,5 մլն դրամը
մուտքագրուել է պետական հիմնարկների արտաբիւջէտային հաշիւներին`
այդ հիմնարկների կողմից իրականացyող ծրագրերի ֆինանսաւորման համար:
Պետբիւջէի այլ եկամուտները 2009թ.-ի առաջին եռամսյակում
կազմել են շուրջ 9,2 մլրդ դրամ, որոնց գծով կատարուել է
եռամսյակային ծրագրի 108,2%-ը: Այդ գծով ծրագրուածից աւելի մուտքերն
ապահովել են հիմնականում բանկերում եւ այլ ֆինանսավարկային
հաստատութիւններում բիւջէի ժամանակաւոր ազատ միջոցների
տեղաբաշխումից եւ դեպոզիտներից ստացւող տոկոսավճարներից.
նախատեսուած 655,5 մլն դրամի դիմաց ստացուել է 980,6 մլն դրամ:
Իրաւախախտումների համար գործադիր, դատական մարմինների կողմից
կիրառուող պատժամիջոցներից մուտքերի գծով նախատեսուած շուրջ 1,2 մլրդ
դրամի դիմաց ստացուել է 1,35 մլրդ դրամ: ՀՀ կառավարութեանն առընթեր
Անշարժ գոյքի կադաստրի պետական կոմիտէի ծախսերի նկատմամբ
եկամուտների գերազանցումից ստացւող մուտքերի գծով նախատեսուած 60
մլն դրամի դիմաց մուտքագրուել է 214,4 մլն դրամ: 2008թ.-ի առաջին
եռամսյակի համեմատ պետբիւջէի այլ եկամուտներն աճել են 68,6%-ով
կամ 3,7 մլրդ դրամով, որը հիմնականում պայմանաւորուած է ՀՀ շարժական
կապի գլոբալ համակարգի ծառայութիւնների մատուցման 3-րդ օպերատորի
մրցոյթի յաղթողի կողմից կատարուված վճարումներով, օպերատորի կողմից
ռադիոհաճախականության օգտագործման վճարի, ինչպէս նաեւ` պետական
հիմնարկների արտաբիւջէտային մուտքերի, իրաւախախտումների համար
գործադիր, դատական մարմինների կողմից կիրառուող պատժամիջոցների գծով
մուտքերի աճով: