Մարտին Հայաստանում փողի բազան նուազել է 0,9%-ով, իսկ փողի
զանգվածը` աճել 1,5%-ով
05-05-2009 11:42:00 | Հայաստան | Տնտեսութիւն
ԵՐԵՎԱՆ, 5 ՄԱՅԻՍԻ, ՆՈՅԵԱՆ ՏԱՊԱՆ: Հայաստանում փողի բազան
2009թ.-ի մարտի վերջի դրութեամբ կազմել է 391 մլրդ 735 մլն դրամ
(աւելի քան 1 մլրդ 51,3 մլն ԱՄՆ դոլար) եւ նախորդ ամսուայ նկատմամբ
նուազել 3 մլրդ 671 մլն դրամով կամ 0,9%-ով:
ՀՀ Կենտրոնական բանկից Ազգային վիճակագրական ծառայութիւն
փոխնցված նախնական տուեալներով, 2009թ.-ի մարտի վերջի դրութեամբ
փողի զանգվածը կազմել է 637 մլրդ 899 մլն դրամ եւ նախորդ ամսուայ
նկատմամբ աճել 9 մլրդ 168 մլն դրամով կամ 1,5%-ով:
Բանկերում բնակչութիւնից ներգրաւուած աւանդների մնացորդը
2009թ.-ի մարտի վերջին կազմել է 225 մլրդ 183 մլն դրամ եւ նախորդ
ամսուայ նկատմամբ աճել 22 մլրդ 390 մլն դրամով կամ 11%-ով, իսկ
նախորդ տարուայ համապատասխան ժամանակաշրջանի նկատմամբ` 36 մլրդ 551
մլն դրամով կամ 19,4%-ով: Ընդ որում, բնակչութիւնից ներգրաւուած
ժամկէտային աւանդների մնացորդը կազմել է 173 մլրդ 699 մլն դրամ եւ
նախորդ ամսուայ նկատմամբ աճել 19 մլրդ 292 մլն դրամով կամ 12,5%-ով,
իսկ նախորդ տարուայ մարտի վերջի նկատմամբ` 49 մլրդ 314 մլն դրամով
կամ 39,6%-ով: