Հայաստանի ֆինահամակարգի հաշտարարի գրասենեակը նաեւ մարզերում
կանցկացնի իրազեկման միջոցառումներ
15-04-2009 18:36:00 | Հայաստան | Տնտեսութիւն
ԵՐԵՎԱՆ, 15 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի ֆինանսական
համակարգի հաշտարարի գրասենեակի (ՖՀՀԳ) աշխատանքի առաջին 2,5 ամսուայ
փորձը ցոյց է տալիս, որ գրասենեակ դիմող ֆիզիկական անձինք չգիտեն
իրենց իրաւունքները: Այս կարծիքն ապրիլի 15-ի ասուլիսում յայտնեց
Հայաստանի ֆինանսական համակարգի հաշտարար Փիրուզ Սարգսեանը:
Նրա խօսքերով, եղել են դէպքեր, երբ նշուած գրասենեակ են դիմել
անձինք, որոնք գործատուների հետ ունեցել են աշխատանքային եւ
կենսաթօշակային օրէնսդրութեան հետ կապուած խնդիրներ:
Փ.Սարգսեյանի տեղեկացմամբ, ՖՀԳԳ-ն նախատեսում է նաեւ ՀՀ
մարզերում անցկացնել իրազեկման միջոցառումներ, որոնց ժամանակ
քաղաքացիներին կբացատրվեն ֆինանսական ծառայութիւնների սպառման
ոլորտում ունեցած իրաւունքները, ՖՀՀԳ-ի գործառոյթները: Բացի այդ,
ՖՀՀԳ-ն նախատեսում է ֆինանսական կազմակերպութիւնների հետ սկսել
համագործակցութեան ծրագիր, որի շրջանակներում այդ
կազմակերպութիւնները, կատարելով օրէնսդրութեան պահանջները, պէտք է
իրենց տարածքում սպառողներին ներկայացնեն ՖՀՀԳ-ի մասին
տեղեկատուական նիւթեր, ինչպէս նաեւ` սպառողների հետ պայմանագրերում
ներառեն ՖՀՀԳ-ի մասին դրոյթներ:
Ըստ հաշտարարի, հետեւելով օրէնսդրութեան պահանջներին` ՖՀՀԳ-ն
եւ ՀՀ Կենտրոնական բանկը կնքել են համագործակցութեան մասին
համաձայնագիր, որի շրջանակներում իրականացւում է ֆինանսական
ծառայութիւնների սպառողների շահերին առնչուող որոշակի
տեղեկատուութիւն: Նշուեց, որ ՖՀՀԳ-ն իրաւունք ունի հրապարակել այն
ֆինանսական կազմակերպութեան անուանումը, որն օրէնսդրութեան տառին
համապատասխան չի արձագանքել գրասենեակի հետ համագործակցութեան
առաջարկին, օրինակ, չի տրամադրել պահանջված տեղեկատուութիւնը: