Գիւմրիում այս տարի 90%-ով կլուծուի անօթեւանության խնդիրը,-
վստահեցնում է Շիրակի փոխմարզպետը
09-04-2009 15:26:00 | Հայաստան | Տնտեսութիւն
ԵՐԵՎԱՆ, 9 ԱՊՐԻԼԻ, ՆՈՅԵԱՆ ՏԱՊԱՆ: Շիրակի մարզում ընդհանուր
առմամբ նախատեսւում է կառուցել 2482 բնակարաններ, այդ թւում 2300-ը
Գիւմրիում: Ինչպէս ապրիլի 9-ի ասուլիսում յայտնեց Շիրակի
փոխմարզպետ Սամուէլ Պետրոսեանը, նոյեմբերին Գիւմրիում նախատեսւում
է շահագործման յանձնել 1320 բնակարան, եւ դրա շնորհիւ
մարզկենտրոնում մօտ 90%-ով կլուծի անօթեւանության խնդիրը:
Փոխմարզպետը վստահեցրեց, որ Գիւմրիում բնակարանների
շինաշխատանքներն սկսուել են եւ ապրիլի 3-ի դրութեամբ մօտ 10 շէնքերի
հիմքերն արդէն փորվել են: Միաժամանակ նշուեց, որ գիւղական
բնակավայրերում բնակարանների շինաշխատանքները դեռեւս չեն սկսուել,
ինչը պայմանաւորուած է զուտ տեխնիկական մի շարք խնդիրներով, որոնք
առաջիկայում կլուծուեն:
Անդրադառնալով մարզում առկայ դպոցների վթարային շենքերին,
փոխմարզպետը նշեց, որ անցեալ տարի վերանորոգուել է 21 դպրոց, իսկ
այս տարի նախատեսւում է վերանորոգել 38-ը: