ԵՐԵՎԱՆ, 7 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 7-ին Հայաստանի Ազգային Ժողովն առաջին ընթերցմամբ քննարկեց կառավարութեան հեղինակած օրենսդրական փաթեթը, որով փոփոխութիւններ եւ լրացումներ են նախատեսւում «Աւելացուած արժէքի հարկի մասին» օրէնքում եւ ՀՀ մաքսային օրէնսգրքում: Այն կքուէարկուի ապրիլի 8-ին: Ըստ հիմնական զեկուցող, ՀՀ ֆինանսների փոխնախարար Սուրէն Կարայանի, փաթեթի նպատակն է Հայաստանեայց Առաքելական Եկեղեցու օտարերկրեայ թեմերում Մայր Աթոռ Սուրբ Էջմիածնի կողմից հոգեւոր ծառայութեան նշանակուած հոգեւորականներին ծառայութեան աւարտից յետոյ հնարաւորութիւն ընձեռել իրենց անձնական գոյքը ՀՀ ներմուծել առանց ԱԱՀ-ի եւ մաքսատուրքի վճարման: Առաջարկուող փոփոխութեամբ տուեալ անձինք կօգտուեն օտարերկրեայ պետութիւններում գործող ՀՀ դիւանագիտական ծառայութեան մարմիններում ծառայող դիւանագէտների, ՀՀ դիւանագիտական ծառայութեանը կից գործող ռազմական, առեւտրական եւ այլ կցորդների համար ներկայումս գործող արտօնութիւններից:

---