Հայաստանում 2009թ.-ի առաջին եռամսյակում արձանագրուել է
ՀԴՄ-ների կիրառման կանոնների խախտման 2 321 դէպք
03-04-2009 18:28:00 | Հայաստան | Տնտեսութիւն
ԵՐԵՎԱՆ, 3 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի Պետական
եկամուտների կոմիտէն ընթացիկ տարուայ առաջին երեք ամիսներին
արձանագրել է ՀԴՄ-ների կիրառման կանոնների խախտման 2 321 դէպք, այդ
թւում 1 174-ը` Երեւանում, իսկ 1 147-ը` հանրապետութեան տարբեր
մարզերում: Նշուած խախտումներով ընդհանուր առմամբ առաջադրուել է
շուրջ 192 մլն 625 հազար դրամի տուգանք, այդ թւում Երեւանում` 108
մլն 175 հազար, մարզերում` 84,45 մլն դրամ:
Երկրորդ եւ աւելի անգամ խախտումներ թոյլ տուած 261 տնտեսվարող
սուբյեկտներից 246-ի նկատմամբ բացի տուգանքից կիրառուել է
գործունէութեան կասեցում 5 եւ 10 օրով: Ըստ կոմիտէի Հարկային
ծառայութեան տարածած հաղորդագրութեան, խախտումների մեծ մասն
արձանագրուել է մանրածախ առեւտրի, հանրային սպասարկման,
աւտոսպասարկման եւ բենզալցման կէտերում: