«Ամիրեան Պլազա»-ի շինարարութիւնը կաւարտուի մօտ երկու տարի
յետոյ
19-03-2009 21:49:00 | Հայաստան | Տնտեսութիւն
ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: «Ամիրեան Պլազա»
բիզնես-մշակոյթային կենտրոնի շինարարութեան նախագծով ներդրուել է
աւելի քան 15 մլն դոլար, իսկ ընդհանուր ներդրումների ծաւալը կկազմի
մօտ 30 մլն դոլար. աւարտուել է ընդհանուր աշխատանքների 35%-ը, եւ
ընդհանուր շինարարկան աշխատանքների աւելի քան 50%-ը: Այս մասին
մարտի 19-ի ասուլիսում յայտնեց կառուցապատող «Յունիինվեստ»
ընկերութեան տնօրէն, հայկական «Յունիբանկ»-ի խորհրդի նախագահ եւ
բանկի հիմնադիր ռուսաստանեան «Յունիաստրում Բանկ»-ի նախագահ Գագիկ
Զաքարյանը:
Ըստ նրա, բանակցութիւններ են տարւում նախագծի իրականացմանը
մարքեթինգի, դիզայնի եւ նախագծերի կառավարման ոլորտների արեւմտյան
մասնագէտների ներգրաւման ուղղութեամբ: Գ.Զաքարյանի խօսքերով,
«Ամիրեան Պլազա»-ն կունենայ երկու մասնաշենք, «հետաքրքիր
ճարտարապետական լուծումներ, 1 200 քառ. մ մակերեսով ատրիում
(ներքին ձմեռային այգի), ինչպիսին Երեւանում դեռ չկայ»: Կենտրոնում
կգործի Ավ.Իսահակեանի անվ. գրադարանը, կլինեն առեւտրային եւ
օֆիսային տարածքներ, տարբեր ազգերի խոհանոցներով ռեստորաններ,
հիւրանոց, ֆիտնես-կենտրոն եւ լողաւազան:
Նշուեց, որ «Ամիրեան Պլազա»-ի երեք տարի առաջ սկսուած
շինարարութիւնը նախատեսւում է աւարտել մօտ երկու տարի յետոյ: