Հայաստանի ֆինանսների փոխնախարարը համոզուած է, որ դոլարի
փոխարժէքի նոր թռիչք չի սպասւում
09-03-2009 17:54:00 | Հայաստան | Տնտեսութիւն
ԵՐԵՎԱՆ, 9 ՄԱՐՏԻ, ՆՈՅԵԱՆ ՏԱՊԱՆ: «Դրամի այսօրուայ փոխարժեքը
տնտեսապես հիմնաւորուած է եւ չեմ կարծում, որ դոլարի նոր թռիչք
լինի: Դա ուղղակի տնտեսագիտորեն արդարացուած չէ»,- մարտի 9-ի
բանավէճում յայտարարեց Հայաստանի ֆինանսների փոխնախարար Վարդան
Արամեանը:
Տնտեսագէտ Թաթուլ Մանասերեանի խօսքերով, պետութիւնը բաւական
ռեսուրսներ ունի իրավիճակը վերահսկելու համար: «Ճգնաժամը, իմ
համոզմամբ, ոչ միայն ֆինանսական ճգնաժամ է, այլ համակարգային
ճգնաժամ, որից երկրները դուրս են գալու նոր մոդելներ ձեւավորած:
Այդ նոր մոդելների դէպքում արժոյթները չեն կարող իրենք իրենց
«լողալ» կամ «չլողալ», այսինքն` կառավարութիւնները կմիջամտեն
դրան»,- ասաց Թ.Մանասերեանը:
Իսկ ՀՀ ԱԺ «ՀՅԴ» խմբակցութեան անդամ Արծուիկ Մինասեանի
կարծիքով, որեւէ մէկը չի կարող յստակ կանխատեսել, թէ ինչ
փոփոխութիւններ կլինեն դոլարի հետ: