ԹԵՀՐԱՆՆ ԱՐԳԵԼԵԼ Է ՄԱԳԱՏԷ-Ի ՏԵՍՈՒՉՆԵՐԻՆ ԱՅՑԵԼԵԼ ԻՐ
ՄԻՋՈՒԿԱՅԻՆ ԿԱՌՈՅՑՆԵՐԸ
22-01-2007 20:51:00 | | Միջազգային
ԹԵՀՐԱՆ, 22 ՅՈՒՆՎԱՐԻ, ՆՈՅԵԱՆ ՏԱՊԱՆ: Իրանի իշխանութիւնները
որոշում են ընդունել արգելել Ատոմային էներգիայի միջազգային
գործակալութեան (ՄԱԳԱՏԷ) 38 տեսուչների մուտքը իր միջուկային
կառոյցներ:
Այս մասին յայտարարել է Իրանի մեջլիսի (խորհրդարանի) ազգային
անվտանգութեան եւ արտաքին քաղաքականութեան յանձնաժողովի նախագահ
Ալաէդդին Բորուջերդին, երկուշաբթի հաղորդում են ֆրանսիական
լրատվամիջոցները:
Ըստ նրա, այդ ցանկը կազմուել է յատուկ յանձնաժողովի կողմից եւ
այնտեղ ներառվել են 38 տեսուչներ, որոնց «թույլատրված չէ Իրան
ժամանել»: Այս որոշման մասին Թեհրանն արդէն տեղեակ է պահել
ՄԱԳԱՏԷ-ին, նշել է Բորուջերդին:
Յատուկ յանձնաժողովը ստեղծուել է այն բանից յետոյ, երբ ՄԱԿ
Անվտանգութեան խորհուրդը դեկտեմբերի 23-ին միաձայն ընդունեց Իրանին
առնչուող 1737-րդ բանաձեւը: Փաստաթուղթը պատժամիջոցներ է նախատեսում
ռազմական միջուկային ծրագրերի դէմ, բայց չի արգելում պաշտօնեաների
ուղեւորութիւնները եւ ձեռնարկութիւնների արտաքին տնտեսական
գործունէութիւնը:
Պատժամիջոցները վերաբերում են ուրանի հարստացման, քիմիական
ռեպրոցեսինգի, ծանր ջրի վրայ հիմնուած նախագծերի եւ միջուկային զէնքի
փոխադրման միջոցների արտադրութեան հետ կապուած գործունէութեանը: