ԵՐԵՎԱՆ, 18 ՅՈՒՆՎԱՐԻ, ՆՈՅԵԱՆ ՏԱՊԱՆ: 2007թ.-ին նախատեսւում է Հայաստանի եւս ութ` 4-ական` Երեւանում եւ Տաւուշի մարզում, դպրոցներում ներդնել ներառական կրթութեան համակարգը: Նշենք, որ վերջինիս միջոցով ապահովում են առանձնայատուկ պայմաններ կրթութեան կարիք ունեցող երեխաների ուսումը հանրակրթական դպրոցներում կազմակեպելու համար: Ներկայումս գործում են ներառական կրթութեան 6 դպրոցներ` Երեւանում: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց հաշմանդամ երեխաների հիմնահարցերով զբաղուող «Յոյսի կամուրջ» հասարակական կազմակերպութեան Կրթական ծրագրերի պատասխանատու Շուշան Մաթեւոսեանը, այդ 8 դպրոցներում, որոնցում ներկայումս սովորում են կրթութեան առանձնայատուկ պայմանների կարիք ունեցող 85 աշակերտներ, իրականացւում են համակարգի ներդրմանն ուղղուած նախապատրաստական աշխատանքներ, արդէն վերապատրաստում են անցել 32 ուսուցիչներ: Ի դէեպ, ըստ ՀՀ Աշխատանքի եւ սոցիալական հարցերի նախարարութեան տուեալների, հաշմանդամների տուեալների բանկում հաշւառուած են մինչեւ 18 տարեկան 8300 երեխաներ, որոնց 11,5%-ը մինչեւ ութ տարեկան են:

---