ՀԱՅԱՍՏԱՆՈՒՄ ԱՌԱՋԻԿԱՅ ՇԱԲԱԹՈՒԱՅ ԸՆԹԱՑՔՈՒՄ ՑՈՒՐՏ ԵՂԱՆԱԿԸ
ԿՊԱՀՊԱՆՈՒԻ
15-01-2007 16:00:00 | Հայաստան | Հասարակութիւն
ԵՐԵՎԱՆ, 12 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանում, յատկապէս
հանրապետութեան հիւսիսային շրջաններում, յունվարի 16-ին սպասւում
է ձիւն, իսկ յունվարի 17-20-ին` առանց տեղումների եղանակ: Ինչպէս
«ՆՈՅԵԱՆ ՏԱՊԱՆ»-ի թղթակցին յայտնեց «Հայպետհիդրոմետ» վարչութեան
Օդերեւութաբանական կանխատեսումների բաժնի պետ Զարուհի Պետրոսեանը,
առաջիկայ շաբաթուայ ընթացքում հանրապետութեան տարածքում ցուրտ եղանակը
կպահպանուի:
Յունվարի 16-ին օդի ջերմաստիճանը 2-4 աստիճանով կբարձրանայ,
յունվարի 17-18-ին` 4-6 աստիճանով կնուազի, իսկ յունվարի 19-20-ին`
3-5 աստիճանով կբարձրանայ: Այդ օրերին հանրապետութեան լեռնային
շրջաններում գիշերը սպասւում է 9-14, Շիրակում` 15-20, Արարատեան
դաշտում 17-20 աստիճան ցուրտ, իսկ ցերեկը, համապատասխանաբար, 3-7,
4-9, 5-8 աստիճան ցուրտ:
Նոյն օրերին, Լոռիում կգրանցուի 1-4, Տավուշում եւ Սյունքիում
4-8 աստիճան տաքութիւն: