ՄԱԿ-Ի ՆՈՐ ԳԼԽԱՒՈՐ ՔԱՐՏՈՒՂԱՐԸ ՅԱՅՏԱՐԱՐԵԼ Է
ՀԱԿԱՄԱՐՏՈՒԹԻՒՆՆԵՐԻ ԿԱՆԽԱՐԳԵԼՄԱՆ ԳՈՐԾՈՒՄ ԿԱԶՄԱԿԵՐՊՈՒԹԵԱՆ
ԴԵՐԱԿԱՏԱՐՈՒԹՅԱՆ ԱԿՏԻՒԱՑՄԱՆ ՄԱՍԻՆ
09-01-2007 18:41:00 | ԱՄՆ | Միջազգային
ՆՅՈՒ ԵՈՐՔ, 9 ՅՈՒՆՎԱՐԻ, ՆՈՅԵԱՆ ՏԱՊԱՆ: ՄԱԿ-ի գլխաւոր
քարտուղար Պան Գի Մունը իր առաջնայնութիւններից մէկն է համարել
ՄԱԿ-ի դերի ամրապնդումը հակամարտութիւնների կանխարգելման, դրանց
լուծման եւ խաղաղաշինության գործում: Այս առնչութեամբ նա խոստացել
է ամրապնդել ՄԱԿ-ի գրասենեակներն ու դեպարտամենտները, որոնք
զբաղւում են այդ հարցերով:
ՄԱԿ-ի ղեկավարը այդ մասին յայտարարել է կազմակերպութեան
Անվտանգութեան խորհրդի բաց նիստում, որ նուիրուած էր «Միջազգային
խաղաղութեան եւ անվտանգութեան սպառնալիքները» թեմային, որտեղ
առաջին անգամ Խորհրդի անդամների առջեւ ելոյթ է ունեցել: Նա
յայտարարել է, որ ահաբեկությունը, զանգվածային ոչնչացման զէնքի
տարածումը, ՁԻԱՀ-ը, ծայրայեղ աղքատութիւնը եւ մարդու իրաւունքների
կոպիտ խախտումները իրենցից ներկայացնում են հիմնական սպառնալիքները
մարդկութեան համար եւ պահանջում են ՄԱԿ-ի սեւեռուն ուշադրութիւնը:
ՄԱԿ-ի գլխաւոր քարտուղարը նշել է, որ ժամանակակից
սպառնալիքները բազմանիստ են եւ փոխշաղկապված: Նա համարում է, որ
ՄԱԿ-ը կարող է եւ պէտք է աւելին անի միջուկային զէնքի չտարածման
ռեժիմի ամրապնդման եւ ամբողջութեամբ վերցրած զինաթափման համար,
ինչպէս նաեւ Իրանի եւ ԿԺԴՀ միջուկային ծրագրերի հետ կապուած
սպառնալիքների լուծման համար:
Պա Գի Մունը ուշադրութիւն է հրաւիրել խաղաղաշինության
բնագաւառում ՄԱԿ-ի խաղաղարարական ծառայութիւնների, միջնորդութեան
եւ օգնութեան աննախադէպ պահանջարկի վրայ: Նա ընդգծել է, որ այսօր
մոլորակի տարբեր անկիւններում գործում են ՄԱԿ-ի 18 խաղաղարարական
առաքելութիւններ, որոնցում ընդգրկուած է մօտ 100 հազար մարդ:
Տարաբնոյթ առաքելութիւնների ընդհանուր թիւը, որ գործում են ՄԱԿ-ի
հովանու ներքոյ, հասել է 30-ի: Գլխաւոր քարտուղարի կարծիքով,
այդպիսի գլոբալ ներկայութիւնը պահանջում է աւելի սերտ
համագործակցութիւն ՄԱԿ-ի Անվտանգութեան խորհրդի եւ
քարտուղարության միջեւ:
ՄԱԿ-ի առաջնային խնդիրների շարքն է Գլխաւոր քարտուղարը դասել
ճգնաժամի լուծումը Դարֆուրում, խաղաղութեան ամրապնդումը Կոնգոյի
Դեմոկրատական Հանրապետութիւնում, Մերձաւորարեւելեան կարգաւորումը
եւ Կոսովոյի վերջնական կարգավիճակի սահմանումը: Նա խոստացել է
շարունակել ՄԱԿ-ի գործունէութիւնը Լիբանանի վերականգնման,
Աֆղանստանում եւ Իրաքում անվտանգութեան բնագաւառի խնդիրների եւ
քաղաքական հիմնահարցերի լուծման ուղղութեամբ:
«Մենք պէտք է շարունակենք աշխատանքը անորոշութեանը վերջ
դնելու ուղղութեամբ, որ դեռեւս կախուած է Կոսովոյի վրայ, եւ որը, եթէ
դրան վերջ չտրուի, կարող է պայթեցնել կայունութիւնը
հարաւ-արեւելյան Եվրոպայում»,- յայտարարել է Պան Գի Մունը: