Մարմարա Հաքքարիի վերջին յարձակման իբր փոխադարձութիւն, թրքական ռազմասաւառնակները երկու օրէ ի վեր ռումբ կը տեղացնեն Հիւսիսային Իրաքի Գանտիլ լերան վրայ։ Երէկ ալ 15 ռազմասաւառնակներ, որոնք մեկնեցան Տիյարպաքըրէն, գիշերուան մինչեւ ուշ ժամերը ռմբակոծեցին Գանտիլի վրայ որոշ թիրախներ, որոնց համար կ’ըսուի որ ՓՔՔ-ի ռազմավարական կեդրոններ են։ Ռմբակոծումները թիրախներուն վրայ կ’արձակուին զէրօ սխալով, այսինքն թիրախներու ճշգրիտ ռմբահարում կը կատարուի։

---