Հայաստանի Անշարժ գոյքի կադաստրի պետական կոմիտէն 2008թ.-ին
իրականացրել է 170670 պետական գրանցումներ
30-01-2009 18:16:00 | Հայաստան | Տնտեսութիւն
ԵՐԵՎԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի կառավարութեանն
անընթեր Անշարժ գոյքի կադաստրի պետական կոմիտէն 2008թ.-ին
իրականացրել է 170 670 պետական գրանցումներ, այդ թւում 159 367-ը`
անշարժ գոյքի նկատմամբ իրաւունքների եւ սահմանափակումների, իսկ 11
303-ը` շարժական գոյքի գրաւի եւ լիզինգի պայմանագրերից ծագող
վարձակալութեան իրաւունքի: Պետգրանցումների մերժումների թիւը, ըստ
կոմիտէի յունվարի 30-ին ներկայացրած տարեկան հաշուետւութեան, կազմել
է 45101:
Կոմիտէի նախագահ Մանուկ Վարդանեանը նախորդ տարուայ
բացթողումներից է համարում աւտոմատացման համակարգի ոչ լիարժէք
օգտագործումը: Ըստ նրա, թէեւ առանձին գործառոյթներ` մասնաւորապէս
շէնքերի, շինութիւնների կադաստրային գնահատման համակարգը,
ավտոմացվել են, սակայն աշխատանքները ոչ լիարժէք են: Ըստ
Մ.Վարդանեանի, բացթողում նաեւ քաղաքային բնակավայրերում
հասցէաւորման խնդիրը: Նրա խօսքերով, գիւղական համայնքներն արդէն
հասցեավորվել են, սակայն քաղաքային բնակավայրերում մէկ անշարժ
գոյքը կարող է ունենալ 2-3 տարբեր հասցեներ, ինչն էլ խնդիրներ է
առաջացնում:
Պետական եկամուտների կոմիտէի պետի տեղակալ Արմէն Ալավերդեանը
Կադաստրի կոմիտէի պետին համագործակցութեան առաջարկութիւն արեց`
անշարժ գոյքի օտարման մասին տեղեկութիւնների փոխանակման
նպատակով: «Այսօր վարձակալված տարածքները դուրս են մնացել
հարկումից, իսկ դրանք հարկման դաշտ բերելու համար անհրաժեշտ է
տեղեկութիւնների փոխանակում»,- նշեց Ա.Ալավերդեանը: