Փիրուզ Սարգսեանը նշանակուել է ֆինանսական համակարգի հաշտարար
(օմբուդսմեն)
23-12-2008 19:04:00 | Հայաստան | Տնտեսութիւն
ԵՐԵՎԱՆ, 23 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 22-ին
անցկացուել է «Ֆինանսական համակարգի հաշտարարի գրասենեակ»
հիմնադրամի հոգաբարձուների խորհրդի անդրանիկ նիստը: Հոգաբարձուների
նորընտիր խորհրդին ողջունել է ՀՀ Կենտրոնական բանկի նախագահ Արթուր
Ջաւադեանը:
Ըստ ՀՀ ԿԲ-ի Հասարակայնութեան հետ կապերի ծառայութեան,
նիստում «Ֆինանսական համակարգի հաշտարարի գրասենեակ» հիմնադրամի
հոգաբարձուների խորհրդի նախագահ է ընտրուել Գրիգոր Ղոնջեյանը (ՀՀ
ԿԲ-ի խորհրդի անդամ): Հոգաբարձուների միաձայն որոշմամբ Ֆինանսական
համակարգի հաշտարար (օմբուդսմեն) է նշանակուել Փիրուզ Սարգսեանը, ով
իր պարտականութիւնների կատարմանը կանցնի օրէնքով սահմանուած
ժամկէտում` 2009թ.-ի յունվարի 24-ից:
Փ.Սարգսեանը 1995թ.-ից մինչ օրս աշխատել է ՀՀ Կենտրոնական
բանկի Իրաւաբանական վարչութիւնում` զբաղեցնելով մասնագետից մինչեւ
Իրաւաբանական վարչութեան պետի եւ ՀՀ ԿԲ-ի նախագահի գլխաւոր
իրաւական խորհրդականի պաշտօններ: Փ.Սարգսեանը դասավանդում է
բաձրագույն ուսումնական հաստատութիւններում: