«Գափրինդաշվիլու գաւաթը» կյանձնուի Հայաստանի շախմատիստներին
02-12-2008 18:36:00 | Հայաստան | Սպորտ
ԵՐԵՎԱՆ, 2 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դրեզդենի շախմատի
համաշխարհային օլիմպիադայի 11-րդ փուլից յետոյ Ուկրաինայի
տղամարդկանց հաւաքականի առաջատար Վասիլի Իվանչուկը հրաժարուել է
արեան փորձանմուշ յանձնել դոպինգ յանձնաժողովին: Յայտնելով այս
մասին, «Ռեգնում» գործակալութիւնը նշում է, որ այդ պատճառով
օլիմպիադայում Վ.Իվանչուկի ցոյց տուած արդիւնքը չեղեալ է
յայտարարուել, իսկ իրեն սպառնում է 2 տարուայ որակազրկում: Ըստ նոյն
աղբիւրի, «Գափրինդաշվիլու գաւաթ» մրցանակը յետ կը վերցուի Ուկաինայի
պատուիրակներից եւ կյանձնուի Հայաստանի շախմատիստներին:
Գաւաթը սահմանել է աշխարհի նախկին չեմպիոնուհի Նոնա
Գափրինդաշվիլին, եւ այն յանձնւում է համաշխարհային օլիմպիադայում
տղամարդկանց եւ կանանց թիմերի վաստակած ընդհանուր միաւորների
առաւելագոյն հանրագումար ունեցող թիմին: Դրեզդենի օլիմպիադայում
Հայաստանի եւ Ուկրաինայի թիմերը վաստակել էին հաւասար միաւորներ,
բայց գործակիցներով առաւելութիւնը տրուել էր ուկրաինացիներին: