ԱԼԲԵՐՏ ՄԿՐՏՉԵԱՆ. «ԵՍ ՀՊԱՐՏ ԵՄ, ՈՐ ՈՒՆԵՄ ԻՄ ՁԵՌԱԳԻՐՆ ՈՒ ՈՃԸ,
ԵՎ ԵՐԲԵՔ ԷԼ ՉԵՄ ՓՈԽԻ ԱՅՆ»
26-11-2008 20:05:00 | Հայաստան | Մշակոյթ
ԵՐԵՎԱՆ, 26 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Կինոռեժիսոր Ալբերտ
Մկրտչեանի Ղարաբաղեան պատերազմին նուիրուած նոր` «Տխուր փողոցի
լուսաբացը» գեղարվեսատական կինոնկարը Հանրային հեռուստատեսութեամբ
ցուցադրվելուց յետոյ տարաբնոյթ արձագանքներ է ստացել մամուլում:
Ինչպէս նոյեմբերի 26-ին ֆիլմի ռեժիսորի եւ դերասանական խմբի հետ
կայացած հանդիպմանը նշեց մոր կերպարում հանդէս եկած դերասանուհի
Անահիտ Քոչարեանը, քննադատութեան սլաքը յատկապէս ուղղուել է իր
կերապարի դէմ. մայրը չի ցանկացել, որ որդին մեկնի պատերազմ:
«Ես կարծում եմ, որ ցանկացած մայր դէմ է, որ իր որդին մեկնի
պատերազմ, եւ դա բնական է: Ընդհակառակը, ռեժիսորի այս մօտեցումը
աւելի է ընդգծել կերպարի արտահայտչությունը, որով էլ
պայմանավորաված է ֆիլմի հաջողվածությունը»,- ասում է
դերասանուհին:
Ղարաբաղեան պատերազմին նուիրուած այս կինոնկարի
գործողութիւնները կատարւում են Գիւմրիի փողոցներից մէկում ապրող
մի ընտանիքում, որի հայրն ու աւագ որդին արդէն ռազմաճակատում էին,
իսկ կրտսեր որդին չէր ցանկանում կռվել: Ամբողջ ֆիլմի ընթացքում
միայն մէկ կրակոց է լսւում: «Ես պատերազմը եւ նրա հետեւանքները
փորձել եմ ներկայացնել այդ մէկ ընտանիքի հարկի տակ` առանց
պատերազմական գործաղությունների եւ կրակոցների: Ես կարծում եմ, որ
պատերազմին «Ոչ» ասելու ամենալաւ տարբերակը մարդկային հոգիներում
տիրող իրավիճակներն են այդ արհավիրքի դէմ»,- ասում է ռեժիսորը:
Ռեժիսոր Ալբերտ Մկրտչեանի խօսքերով, ֆիլմի զարգացումները եւ
գործողութիւնները կատարւում են բացառապէս «մարդկային հոգեբանական
պատերազմների վրայ»: «Հիմա ինձ մօտ հետստեղծագործական դատարկություն
է: Տրամադրությունս էլ շատ վատ է: Միայն մէկ բան է ինձ
ուրախացնում` շնորհաւորական զանգերը եւ շնորհակալութիւնները:
Այո', կարող են լինել նաեւ քննադատություններ, որոնց համար էլ եմ
շնորհակալ»,- ասում է ռեժիսորը:
Լրագրողներից մէկի այն հարցի, թէ արդեօք Ա.Մկրտչեանը չի
կրկնել պատերազմի մասին պատմող իր նախորդ` «Հին օրերի երգը» ֆիլմը,
ռեժիսորը պատասխանեց. «Այո, կարող է եւ նման լինել, այդտեղ ոչ մի
տարօրինակ բան չկայ, քանի որ երկուսի հեղինակն էլ նոյն մարդն է: Ես
հպարտ եմ, որ ունեմ իմ ձեռագիրն ու ոճը, եւ երբեք էլ չեմ փոխի
այն»: