ԵՐԵՒԱՆԻ ԿԵՆՏՐՈՆՈՒՄ ԿՏԵՂԱԴՐՈՒԻ ԴՈՒԴՈՒԿԱՀԱՐ ՋԻՒԱՆ ԳԱՍՊԱՐԵԱՆԻ
ԱՐՁԱՆԸ
12-11-2008 20:37:00 | Հայաստան | Մշակոյթ
ԵՐԵՎԱՆ, 12 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ջիւան Գասպարեանի
80-ամեակին նուիրուած տոնակատարությունների շրջանակում նոյեմբերի
12-ին Երեւանի կոնեակի գործարանի ղեկավարութիւնը նրան նվիրեց 400
լ տարողութեամբ կոնեակի տակառ, որը կը պահուի գործարանի հնեցման
արտադրամասում:
Գործարանի տնօրինությունը կազմակերպել էր նաեւ Ջ.Գասպարեանին
նուիրուած տոնակատարություն, որին ներկայ էին դուդուկահարի
յոբելեանական միջոցառումներին մասնակցող աշխարհահռչակ երաժիշտներ
Պիտեր Գաբրիէլը, Անդրէաս Վոլենվեյդերը, «Փլենիթ X»-ի (Planet X)
հայազգի ղեկավար Դերեք Շիրինեանը, ինչպէս նաեւ բռնցքամարտի IBF
վարկածով միջին քաշային կարգում աշխարհի չեմպիոն Արթուր Աբրահամը:
Լրագրողների հետ զրոյցում օտարազգի երաժիշտները նշեցին, որ
տպավորված են Երեւանից եւ նոյեմբերի 11-ին մարզահամերգային
համալիրում կայացած համերգից: «Համերգը հիանալի էր, իսկ հայերի հետ
շփումից յետոյ մէկ անգամ եւս պարզեցի, որ հայերը շատ ընկերասեր են,
մեծ հոգի ունեն եւ դա արտացոլւում է նաեւ հայկական երաժշտութեան
մէջ»,- ասաց Ա.Վոլենվեյդերը:
«Ես 80 տարեկան եմ, սակայն հոգով երիտասարդ եմ եւ
շարունակելու եմ ստեղծագործել: Իհարկէ ես արդէն փոխարինող ունեմ`
թոռնիկս, եւ վստահ եմ, որ նա շարունակելու է իմ գործը»,- ասաց
Ջ.Գասպարեանը:
Երեւանի քաղաքապետարանի որոշմամբ մայրաքաղաքի կենտրոնում
կտեղադրուի Ջ.Գասպարեանի արձանը: