ՊՐԵՏՈՐԻԱ, 14 ՅՈՒՆՎԱՐԻ, ՆՈՅԵԱՆ ՏԱՊԱՆ: Ինտերպոլի ղեկավար
հարավաֆրիկացի Ջեքի Սելեբին հրաժարական է տուել իր հասցէին
հայրենիքում առաջ քաշվող կոռուպցիայի մեղադրանքների առնչութեամբ:
Սելեբին, որը նաեւ Հարաւային Աֆրիկայի ոստիկանութեան ղեկավարն
է, հրաժարականի մասին յայտարարել է Ինտերպոլին յղած նամակում:
Ինչպէս ասւում է ուղերձում, պրն. Սելեբին հրաժարականի
որոշումն ընդունել է` ելնելով Ինտերպոլի շահերից եւ միջազգային
իրավապահ համայնքի հանդէպ հարգանքից, որին ծառայում է
կազմակերպութիւնը:
ՀԱՀ դատական իշխանութիւնները յանցաւոր աշխարհի հետ Սելեբիի
ենթադրվող «կոռուպցիոն կապերի» հետաքննութիւն են իրականացնում եւ
առաջիկայում նրա նկատմամբ կարող են առաջադրուել կոռուպցիայի եւ
արդարադատութեան իրականացման համար խոչընդոտներ ստեղծելու
պաշտօնական մեղադրանքներ: