ԱԿՈՒՄԲԱՅԻՆ ԹԻՄԵՐԻ ԴԱՍԱԿԱՐԳՄԱՆ ՑՈՒՑԱԿՈՒՄ ՀԱՅԱՍՏԱՆԻ «ՄԻԿԱ»-Ն
251-ՐԴՆ Է
09-01-2008 16:30:00 | Հայաստան | Սպորտ
ԵՐԵՎԱՆ, 9 ՅՈՒՆՎԱՐԻ, ՆՈՅԵԱՆ ՏԱՊԱՆ: Համաշխարհային ֆուտբոլի
պատմութեան եւ վիճակագրութեան միջազգային ֆեդերացիան հրապարակել է
ակումբային թիմերի դասակարգման ցուցակը, որտեղ հաշուի են առնուած
վերջին 1 տարուայ արդիւնքները: 350 թիմերի մէջ Հայաստանի
առաջնութեան բրոնզէ մեդալակիր «Միկա»-ն 73 միաւորով զբաղեցնում է
251-րդ տեղը: Չեմպիոն «Փիւնիկը» 69 միաւորով 280-րդն է, իսկ
փոխչեմպիոն «Բանանցը» 63 միաւորով` 328-րդը:
Առաջին եռեակում են Իսպանիայի «Սեվիլիան»` 306, Անգլիայի
«Մանչեսթեր Յունայթեդը»` 281 եւ Իտալիայի «Միլանը»` 280 միաւոր: