«ԹԱԼԻԲԱՆ» ՇԱՐԺՄԱՆ ԱՌԱՋՆՈՐԴՆԵՐԻՑ ՄԷԿԸ ԲԱՆՏԻՑ ԴՈՒՐՍ Է ԵԿԵԼ
ԿԱՇԱՌՔՈՎ
09-01-2008 16:20:00 | Աֆղանստան | Միջազգային
ՔԱԲՈՒԼ, 9 ՅՈՒՆՎԱՐԻ, ՆՈՅԵԱՆ ՏԱՊԱՆ: «Թալիբան» շարժման Կարմիր
մոլլա մականունով յայտնի առաջնորդներից մէկը, որը կասկածւում է
բրիտանական զօրքերի վրայ յարձակումների նախապատրաստման մէջ,
կաշառքով դուրս է եկել աֆղանական բանտից, հաղորդում է BBC-ն:
Ըստ Կարմիր մոլլայի, իր ազատման համար նա աֆղանական
իշխանութիւններին վճարել է 15 հազար դոլար: Կարմիր մոլլան յայտնել
է նաեւ, որ բանտից նման ձեւով ազատւում է արդէն երրորդ անգամ:
Մոլլայի խմբավորումը գործում է Գիլմենդի նահանգում, որտեղ շատ են
բրիտանացի զինվորականները: