ԼՈՆԴՈՆ, 27 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ռուսաստանը նոր տարի է
թեւակոխում ամրապնդուած տնտեսությամբ եւ հաստատուն դիրքորոշմամբ
միջազգային հարցերում:
Ինչպէս գրում է «The Financial Times» թերթը, Արեւմուտքը պէտք
է որոշի, թէ ինչպէս կառուցի յարաբերութիւնների նոր համակարգը մի
երկրի հետ, որտեղ ուժեղացել են ազգայնամոլական տրամադրությունները
եւ աւտորիտար ռեժիմը: Արեւմուտքի համար ամենաճիշտ տարբերակը
Ռուսաստանի ներգրաւումն է բոլոր կարեւորագոյն հարցերում: Ընդ
որում չի կարելի արեւմտյան արժէքները խաթարող զիջումների գնալ:
Թերթը նշում է, որ հարկաւոր է մի կողմ դնել Ռուսաստանը
ժողովրդավարական երկիր դարձնելու փորձերը: Հարկաւոր է ընդունել
դրկից պետութիւններում իր շահերը պաշտպանելու Ռուսաստանի
իրաւունքը եւ ուղիներ նախանշել ռուսական իշխանութիւնների հետ
արդիւնաւէտ համագործակցութեան համար: Եվ գլխաւորը, գրում է թերթը,
Արեւմուտքը պէտք է միանգամից տրամադրվի հիասթափութեան, քանի որ
Ռուսաստանի հետ յարաբերութիւնները չեն կարող անամպ լինել: