ԿՈՆԴՈԼԻԶԱ ՌԱՅՍԻ ԿԱՐԾԻՔՈՎ, ԺՈՂՈՎՐԴԱՎԱՐԱԿԱՆ ԳՈՐԾԸՆԹԱՑՆԵՐԸ
ՌՈՒՍԱՍՏԱՆՈՒՄ «ԵՏՔԱՅԼ ԵՆ ԱՐԵԼ»
12-12-2007 18:56:00 | ԱՄՆ | Միջազգային
ՎԱՇԻՆԳՏՈՆ, 12 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ժողովրդավարական
գործընթացները Ռուսաստանում «ետքայլ են արել»,- պնդում է ԱՄՆ-ի
պետքարտուղար Կոնդոլիզա Ռայսը: «Յու-Էս-Էյ թուդեյ» թերթում
հրապարակուած հարցազրոյցում ամերիկեան դիւանագիտութեան ղեկավարը
յայտարարել է, որ «նոյնիսկ Պետդումայի ընտրութիւնները չէին
համապատասխանում միջազգային ստանդարտներին»:
Ըստ նրա, Ռուսաստանում «ընդդիմությանը շատ դժուվար է
իրականացնել իր գործունէութիւնը»: Ընտրութիւնների
նախապատրաստութեան շրջանում «նրա համար դժուարութիւններ կային
մամուլի մատչելիության, հաւաքների անցկացման հետ կապուած, նրա
մարդկանց ձերբակալում էին»: «Դա այն իրավիճակը չէ, որի դէպքում
կարելի է խօսել ազատ եւ ազնիւ ընտրութիւնների մասին»,- յայտարարել
է Կոնդոլիզա Ռայսը: