ԲԵՅՐՈՒԹՈՒՄ ԱՀԱԲԵԿՈՒԹԵԱՆ ՀԵՏԵՒԱՆՔՈՎ ԶՈՀՈՒԵԼ Է ԳԵՆԵՐԱԼ
12-12-2007 16:35:00 | | Միջազգային
ԲԵՅՐՈՒԹ, 12 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Բեյրութի քրիստոնեական
արուարձանում ահաբեկչական գործողութեան հետեւանքով զոհուել է գեներալ
Ֆրանսու ալ-Հաջը, որը ղեկավարել էր պաղեստինեան փախստականների Նահր
ալ-Բարիդ ճամբարի իսլամական ծայրահեղականների դէմ ռազմական
գործողութիւնը:
Նախօրէին տեղեկութիւններ էին յայտնուել, որ ալ-Հաջը կարող է
զբաղեցնել բանակի հրամանատարի պաշտօնը, եթէ այն ազատի գեներալ
Միշել Սուլեյմանը, որը որպէս փոխզիջումային ֆիգուր առաջադրուել է
պետութեան ղեկավարի պաշտօնի համար:
Ահաբեկութեան հետեւանքով զոհուել են վեց, վիրաւորուել տասնեակ
մարդիկ: Պայթեցուել է ականապատ աւտոմեքենայ, որ կայանուած է եղել
Բաաբդայի համայնքապետարանի մօտ, այն աւանի, որտեղ տեղավորված է
նախագահական պալատը:
Տարածաշրջանային դիտորդները ահաբեկչութիւնը համարում են
Լիբանանում քաղաքական ճգնաժամը էլ աւելի սրելու փորձ, որ առաջացրել
է իշխանութեան համար մղւող պայքարը կառավարող շրջանակների եւ
ընդդիմադիր դաշինքի միջեւ: