«ՄԱՆԿԱԿԱՆ ԵՎՐՈՏԵՍԻԼ-2007»-ՈՒՄ ՀԱՅԱՍՏԱՆԸ ԳՐԱՒԵՑ 2-ՐԴ ՏԵՂԸ
10-12-2007 15:45:00 | Հայաստան | Մշակոյթ
ԵՐԵՎԱՆ, 10 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 8-ին
Ռոտերդամում (Նիդեռլանդներ) կայացած «Մանկական Եվրոտեսիլ-2007»
մրցոյթում Հանրային հեռուստատեսութեան եւ ռադիոյի «Արեւիկ»
մանկապատանեկան անսամբլը «Երազանք» երգով զբաղեցրեց 2 տեղը` մէկ
միաւորով միայն զիջելով Բելառուսին:
Մրցոյթին առաջին անգամ մասնակցող Հայաստանին ամենաբարձր` 12
միաւոր են տուել Վրաստանը, Կիպրոսը, Բելգիան, Ռուսաստանը,
Ռումինիան, Նիդեռլանդները եւ Ուկրաինան, 10-ական միաւոր` Շուեդիան
եւ Յունաստանը, 8 միաւոր` Բուլղարիան, 7 միաւոր` Բելոռուսը, 5
միաւոր` Սերբիան:
Մրցոյթում 3-րդ տեղը զբաղեցրեց Սերբիան, 4-րդ տեղը`
Վրաստանը, 5-րդ տեղը` Մակեդոնիան: «Մանկական Եվրոտեսիլ-2007»
մրցոյթին մասնակցում էին մանկական խմբեր 17 երկրներից: