ԲՐԻՏԱՆԱՑԻ ԽՈՐՀՐԴԱՐԱՆԱԿԱՆՆԵՐԸ ՅԱՅՏԱՐԱՐԵԼ ԵՆ ՌՈՒՍԱՍՏԱՆԻ ՀԵՏ
ՅԱՐԱԲԵՐՈՒԹԻՒՆՆԵՐԻ ԲԱՐԵԼԱՒՄԱՆ ԱՆՀՐԱԺԵՇՏՈՒԹԵԱՆ ՄԱՍԻՆ
26-11-2007 19:55:00 | | Միջազգային
ԼՈՆԴՈՆ, 26 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Բրիտանիացի
խորհրդարանականները Մեծ Բրիտանիայի կառավարութեանը կոչ են անում
քայլեր ձեռնարկել Ռուսաստանի հետ յարաբերութիւնների բարելաւման
ուղղութեամբ:
Նոյեմբերի 25-ին հրապարակուած Մեծ Բրիտանիայի խորհրդարանի
Համայնքների պալատի միջազգային գործերի յանձնաժողովի զեկոյցում
կարծիք է արտայայտւում, որ բրիտանա-ռուսական կապերի բնոյթի վրայ
բացասական ազդեցութիւն են գործում նաեւ Վաշինգտոնի հետ Լոնդոնի
չափազանց սերտ յարաբերութիւնները:
Ռուսաստանը, պնդում են փաստաթղթի հեղինակները, համարում է, որ
Միացեալ Թագավորությունը չափազանց սերտ գործընկերական
յարաբերութիւններ ունի Միացեալ Նահանգների հետ եւ ամէն դէպքում
«թերահավատորեն է վերաբերւում ԱՄՆ-ի վրայ որեւէ ազդեցութիւն
գործելու Մեծ Բրիտանիայի հնարաւորութիւններին»:
Յանձնաժողովի խոստովանութեամբ, բրիտանա-ռուսական
յարաբերութիւններում նյարդայնացնող է «Լիտվինենկոյի գործը»:
Համայնքների պալատի պատգամաւորները կոչ են անում Մեծ Բրիտանիայի
կառավարութեանը նոր բանակցութիւններ վարել ռուսական կողմի հետ այդ
գործով կասկածուողներին յանձնելու հարցի առնչութեամբ:
ԴԱՍ. ՀԱՅԵՐԵՆ 
Հայերեն
Русский
English
French