ԵՐԵՎԱՆ, 23 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ռուսաստանի Խանտի-մանսիյսկ քաղաքում նոյեմբերի 24-ին կմեկնարկի «նոկաուտ» մրցակարգով աշխարհի գաւաթի խաղարկութիւնը, որին կմասնակցեն 128 շախմատիստներ: Այդ մրցաշարում Հայաստանը կներկայացնեն աշխարհի ներկայիս գաւաթակիր Լեւոն Արոնեանը, աշխարհի նախկին փոխչեմպիոն Վլադիմիր Յակոբեանը, մինչեւ 20 տարեկանների անցեալ տարուայ աշխարհի չեմպիոն Զաւէն Անդրիասեանը: Առաջնութիւնում հանդէս կգայ նաեւ ԱՄՆ-ի ներկայացուցիչ Վարուժան Յակոբեանը: Մրցաշարը կաւարտուի դեկտեմբերի 18-ին:

---