ՊՈՒՏԻՆԻ ԹԵԿՆԱԾՈՒԹՅՈՒՆՆ ԱՌԱՋԱԴՐՈՒԵԼ Է ԽԱՂԱՂՈՒԹԵԱՆ ՆՈԲԵԼԵԱՆ
ՄՐՑԱՆԱԿԻ
22-11-2007 19:45:00 | Ռուսաստան | Միջազգային
ՄՈՍԿՈՒԱ, 22 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Բազէլում գտնուող
Այլընտրանքային էներգիայի հետազօտութիւնների միջազգային կենտրոնը
ՌԴ նախագահ Վլադիմիր Պուտինի թեկնածությունն առաջադրել է
Խաղաղութեան Նոբելեան մրցանակի: Այս մասին հաղորդում է
ԻՏԱՌ-ՏԱՍՍ-ը:
Ըստ գիտական կենտրոնի, ռուսական պետութեան ղեկավարը անկասկած
արժանի է միջազգային ամենահեղինակաւոր պարգեւին`
նանոտեխնոլոգիաների ռուսական կորպորացիայի ստեղծման իր
նախաձեռնութեան համար: «Նախագահ Վլադիմիր Պուտինի գաղափարը
այլընտրանքային էներգիայի արդիւնաւէտ ձեւ գտնելու շատ հեռատես
ծրագիր է: Նրա ջանքերը նաւթի արդիւնաւէտ փոխարինիչ գտնելու
ուղղութեամբ ծառայում են ողջ մարդկութեանը եւ աւանդ են
համընդհանուր խաղաղութեան կառուցման գործում»,- ասւում է
միջազգային գիտական կենտրոնի կոմյունիկեում: