ՀԱՐԱՎԱՖՐԻԿԵԱՆ ԴՈՒՐԲԱՆ ՔԱՂԱՔՈՒՄ ՆՈՅԵՄԲԵՐԻ 25-ԻՆ ՏԵՂԻ ԿՈՒՆԵՆԱՅ
ՖՈՒՏԲՈԼԻ ԱՇԽԱՐՀԻ 2010Թ. ԱՌԱՋՆՈՒԹԵԱՆ ՎԻՃԱԿԱՀԱՆՈՒԹԻՒՆԸ
22-11-2007 16:40:00 | Հայաստան | Սպորտ
ԵՐԵՎԱՆ, 22 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 25-ին
հարավաֆրիկեան Դուրբան քաղաքում տեղի կունենայ աշխարհի 2010թ-ի
գաւաթի խաղարկութեան որակաւորման փուլի խմբային մրցաշարի
վիճակահանութիւնը: Ֆուտբոլի պատմությունում աշխարհի առաջնութիւնն
առաջին անգամ տեղի կունենայ Աֆրիկայում: Կազմակերպիչ երկիր
Հարավաֆրիկեան Հանրապետութեան հաւաքականը միանգամից կխաղայ
եզրափակիչում: Կխաղարկուի 31 ուղեգիր: ՖԻՖԱ-ի որոշմամբ Եւրոպային
(53 երկիր) կտրուի 13, Հարաւային Ամերիկային (10 երկիր)` 4 կամ 5,
Կոնկակաֆին (Կարիբեան աւազանի երկրներ, 35 երկիր)` 3 կամ 4,
Ասիային (43 երկիր)` 4 կամ 5, Աֆրիկային (53 երկիր)` 6 եւ
Օվկիանիային (10 երկիր)` 1 ուղեգիր:
ուեֆա-ի անդամ 53 երկրները կբաժանուեն 9 խմբի: 8-ում
կընդգրկուեն 6-ական, իսկ 1-ում` 5 թիմեր:
Վիճակահանութեան զամբյուղները կազմելու համար ՖԻՖԱ-ն
առաջնորդուելու է ազգային հաւաքականների դասակարգման ցանկով: Այդ
պատճառով նոյնիսկ 2 օրով հետաձգուեց վարկանիշային նոր ցուցակի
հրապարակումը: