Եթէ Երեւանի Նոր Խարբերդ թաղամասի բնակիչները մասնակցէին ?Դաժան խաղեր? շոու ծրագրին, անկասկած առաջին տեղը կը գրաւէին համբերութեամբ պայքարելու, դիմակայելու ու ամէն օր իրենց ու երեխաներին վտանգաւոր փորձութեան ենթարկելու համար:
Բանն այն է, որ դէպի այդ թաղամասը տանող աւտոճանապարհը գրեթէ անանցանելի է: Այն ոլորապտոյտ արգելքներով բարձրանում է գերեզմանների միջով եւ անցնում ջրանցքի եզրով չբազրիքուած կամրջով, որով անցնելու համար մեծ վարպետութիւն, զգուշութիւն ու զգօնութիւն է պահանջւում: Բացի այդ, մարդկանցով, դոյլերով, արկղներով ու դպրոցականների պայուսակներով գերբեռնուած անսարք մեքենաները այդ ճանապարհով անցնելիս ամէն պահի կարող են վթարուել:
Մէկ տարի առաջ այս ճապարհի վրայ գործում էր 38 համարի երթուղին, որը սպասարկում էր ?Բոգդան? մակնիշի աւտոբուսը: Սակայն ճանապարհի անմխիթար վիճակի պատճառով երթուղին հանուեց, եւ ճանապարհի մասին այլեւս ոզ ոք չյիշեց: Բնակիչների բազմաթիւ դիմում-բողոքներն ու նամակներն այդպէս էլ մնացին անպատասխան: Պարզւում է, որ Նոր Խարբերդ թաղամասը պատկանում է Երեւանին, իսկ ճանապարհըª Արարատի մարզին:
Նոր Խարբերդ թաղամասը նախկինում եղել է այգեգործական ամառանոցային ընկերութիւն եւ պատկանել է տարբեր գործարանների, որոնք էլ հոգացել են բոլոր ծախսերը: 1996 թ. այն փոխանցուել է Երեւանի Շէնգաւիթ վարչական շրաջանին:
Ինչպէս նշեց Շէնգաւիթ վարչական շրջանի կոմունալ տնտեսութեան բաժնի աշխատակից Սերգեյ Յովհաննիսեանը, Նոր Խարբերդ թաղամասը մինչեւ կամուրջը, ինչպէս նաեւ Ճանապարհային ոստիկանութեան անցակէտից սկսած ճանապարհի ձախ մասը մինչեւ նոյն կամուրջը պատկանում է այդ շրջանին: Աջ մասը պատկանում է Արտաշատի Խարբերդ գիւղին:
Թաղամասում անցեալ տարի կատարուել է 2000 քառ. մ ասֆալտապատման, ջրագծերի, կոյուղագծերի անցկացման աշխատանքներ: Իսկ ճանապարհի այդ հատուածը, ըստ նրա, Շէնգաւիթ վարչական շրաջանին չի պատկանում եւ այն հարցին, թէ ?Ստացւում է, որ ձեր տան ճանապարհը պիտի բարեկարգի հարեւանը՞?, նա պատասխանեց. ?Դա մենք չենք որոշում: Մեր տարածքային սահմանագիծը այդպէս է քարտէզագրուած?:
Արտաշատի մարզպետարանի աշխատակազմի քաղաքաշինութեան վարչութեան պետ Ռաֆայէլ Մկրտչեանի վկայութեայմբ, այդ ճանապարհը դարձել է վիճահարոյց տարածք: Ճանապարհը, ըստ նրա, ճանապարհը տուել է մէկին, թաղամասըª միւսին: ?Մեր բիւջէն այնքան սուղ է, որ չենք էլ կարողանում հրատապ աշխատանքները կատարել: Մենք այս տարուայ համար նախահաշուարկ չենք ներկայացրել քաղաքապետարանին?:
Խարբերդ գիւղի գիւղապետ Կամօ Կ'ակոյեանի վկայութեամբ, ճանապարհային ոստիկանութեան անցակէտից մինչեւ գերեզմանների սկիզբը համարւում է գիւղի ճանապարհ, որի համար գիւղապետարանը նախատեսել է կատարել կոպճապատման աշխատանքներ: Իսկ գերեզմաններից մինչեւ կամուրջն ընկած հատուածն իրենք համարում են դաշտամիջեան ճանապարհ: ?Կան գիւղամիջեան շատ աւելի կարեւոր ճանապարհներ, որ քարուքանդ եղած են եւ շուտափոյթ բարեկարգում են պահանջում?,- ասաց նա:
Այսպիսով, Խարբերդի բնակիչները մինչ այժմ չգիտեն, թէ ում անմիջական պարտաւորութիւնն է ապահովել նրանց բարեկարգ ճանապարհովª Երեւանի քաղաքապետարանի, թէ՞ Արտաշատի մարզպետարանի, եւ կ'անդրադառնա՞յ երբեւէ տարածքային կառավարութեան նախարարութիւնը այս խնդրինª վերանայելով վիճահարոյց տարածքային սահմանագիծը:
Ալլա Թորոսեան