սեպտեմբերի 7-10-ին իտալիայի միլան քաղաքի մօտ գտնուող բոսսէի վանքում տեղի ունեցաւ 19-րդ միջազգային էկումենիկ կոնֆերանսը` «աստուծո խօսքը հոգեւոր կեանքումե թեմայով: Ժողովին մասնակցում էին կաթոլիկ, ռուս ուղղափառ, ինչպէս նաեւ հայ առաքելական եկեղեցու ներկայցուցիչներ: Գարեգին բ ամենայն հայոց կաթողիկոսի օրհնութեամբ սոյն ժողովին մայր աթոռ սուրբ էջմիածինը ներկայացնում էր տ. ռուբեն աբեղա զարգարեանը: Ժողովի ընթացքում հոգեշնորհ հայր սուրբի կողմից կոնֆերանսի մասնակիցներին ընթերցուեց հայրապետական ուղերձը, որում մասնաւորապէս ասւում էր. «քրիստոնեա ժողովուրդների հոգեւոր ուժն ու զօրութիւնը, հաւատքի անշէջ լոյսը սնւում են աստուածային խօսքի օրհնաբեր աղբիւրից: աստուածային ճշմարտութիւնը արտայայտուեց խօսքով, որն իր զօրութեամբ վերափոխում է մարդկային կեանքը: Մեծապէս գնահատելի է, որ այս համագումարին դուք համախմբուել եք զեկուցումներ ներկայացնելու եւ քննարկումներ իրականացնելու հոգեւոր կեանքում աստուածաշնչի կաեւորութեան, ընդհանրական սուրբ հայրերի եւ եկեղեցական հեղինակների սուրբգրական աշխատութիւնների եւ աստծո խօսքով ներշնչուած վանական ու ճգնաւորական մեծ փորձառութեան վերաբերեալ: աստծո խօսքը այն ամփոփող գիրը չէ միայն, այլ գրից աւելին` հոգին, որն արտայայտւում է խօսքի միջոցով` համաձայն սուրբ պողոս առաքեալի հաստատման. «գիրն սպանանէ, այլ հոգին կեցուցանէե (Բ կորնթ. գ 6): ...Այսօր, երբ արդիական տեխնոլոգիաների օգնութեամբ տեղեկութիւններն արագութեամբ սփռւում են աշխարհով մէկ, մեր կեանքում նկատւում է խօսքի առատութիւն, սակայն այդ բիւրաւոր խօսքերի մէջ անհրաժեշտ է աստուածային խօսքի գերակայութիւնը, որպէսզի հասարակութիւնները, մարդիկ ապրեն փոխըմբռնման, համերաշխութեան եւ քրիստոսապատուեր սիրո մէջ: ներկա ժամանակներում, երբ նաեւ սփռւում են զանազան կեղծ գաղափարներ` ճշմարտութեան շղարշով քօղարկուած, առաւել հրատապ է դառնում անհրաժեշտութիւնը աշխարհում աստծո խօսքի իմացութեան ու տարածման, որը պայծառակերպում է հոգիները եւ մնում անփոփոխ ու յաւիտենական, ինչպէս ասում է քրիստոս. «երկինք եւ երկիր անցցեն, եւ բանք իմ մի անցցենե (Մատթ. իդ 35)է:  

---