Արթուր Բաղդասարեան. Մօտ ապագայում մեր քաղաքացիները կարող են շատ աւելի դիւրացուած ընթացակարգերով մեկնել ԵՄ անդամ երկրներ
28-09-2011 13:39:06 | Հայաստան | Քաղաքական
Վերջին երեք ամիսների ընթացքում Հայաստան-եւրոմիութիւն քաղաքական համագործակցութիւնը բաւականին դրական եւ բուռն զարգացումներ է ունեցել: Այս մասին ԵՄ պատուիրակութեան ղեկավար, դեսպան Ռաուլ դը Լուցենբերգերի եւ Հայաստանի Ազգային անվտանգութեան խորհրդի քարտուղար Արթուր Բաղդասարեանի համանախագահութեամբ սեպտեմբերի 28-ին անցկացուած Հայաստան-եւրոմիութիւն խորհրդատուական խորհրդի 7-րդ նիստում յայտարարեց Ա.Բաղդասարեանը:
հհ ԱԱԽ քարտուղարը, մասնաւորապէս, կարեւորեց Բրիւսէլում տեղի ունեցած Արդարադատութեան, ազատութեան եւ անվտանգութեան հարցերով Հայաստան-եւրոպական միութիւն համագործակցութեան ենթակոմիտէի նիստում Հայաստանի առաջընթացի արձանագրումը: Այդ թւում ԱԱԽ քարտուղարը յիշատակեց Հայաստանում միգրացիոն քաղաքականութեան պետական հայեցակարգի հաստատումը, հարկային ու մաքսային համակարգերում կատարուած դրական բարեփոխումները, Պետական սահմանի կառավարման ռազմավարութիւնը:
Արթուր Բաղդասարեանը գոհունակութիւն յայտնեց, որ աւարտուել է հայ-վրացական պետական սահմանի արդիականացման շուրջ նախագծահաշուարկային փաստաթղթերի փաթեթի մշակումը` շուրջ 2500 էջ ծաւալով: «մենք յոյս ունենք, որ առաջիկայ երկու տարուայ ընթացքում իրօք կեանքի կը կոչենք եւրոպացի գործընկերների հետ մեր որդեգրած կարգախօսը` անվտանգ անցում սահուն սահմանովէ,- ասաց Ա.Բաղդասարեանը:
ՀՀ ԱԱԽ քարտուղարը գոհունակութիւն յայտնեց նաեւ, որ սեպտեմբերի 19-ին Եւրոպական յանձնաժողովը որոշում է կայացրել Հայաստանի հետ վիզաների տրամադրման գործընթացի դիւրացման մեկնարկը տալու մասին: «կարծում ենք, որ մօտ ապագայում մեր քաղաքացիները կարող են շատ աւելի դիւրացուած ընթացակարգերով մեկնել ԵՄ անդամ երկրներ: Սա մեր համար ունի կարեւոր քաղաքական եւ հանրային նշանակութիւն, եւ Հայաստանի Հանրապետութիւնը ողջունում է այդ գործընթացըէ,- ասաց Արթուր Բաղդասարեանը:
ԱԱԽ քարտուղարը կարեւորեց նաեւ սեպտեմբերի 22-ին Հայաստան-եւրոմիութիւն համագործակցութեան երկրորդ նիստում արձանագրուած «բաւականին դրական զարգացումներըէ: Հայաստանը մշակել եւ Հայաստանի նախագահ Սերժ Սարգսեանի ուղեկցող նամակով ԵՄ է ուղարկել Հայաստանում Արեւելեան գործընկերութեան շրջանակներում բարեփոխումների արագացման ռազմավարութիւնը, որն արժանացել է ԵՄ հաւանութեանը: «մենք ներկայումս, նաեւ խորհրդատուների հետ ակտիւ ներգրաւուածութեամբ, աշխատելու ենք մեր ապագայ բարեփոխումների ուղղութեամբ: Մենք ողջունում ենք ԵՄ յայտարարութիւնը` ինչքան բարեփոխումներ, այնքան աջակցութիւնէ: