Հայաստանի ձյուդոիստները պատրաստվում են աշխարհի գավաթի խաղարկությանը
28-05-2011 13:57:17 | Հայաստան | Սպորտ
Մայիսի 28-29-ին Մոսկվայում կկայանա «Մեծ Սաղավարտ» վարկանիշային մրցաշարը: Մասնակցում են աշխարհի 63 երկրներից 463 ձյուդոիստներ, այդ թվում 279 տղաներ, 184 աղջիկներ:
Հայաստանը ներկայացնում են 60 կգ քաշային Հովհաննես Դավթյանը եւ Գոռ Հարությունյանը, 66 կգ քաշային Արմեն Նազարյանը:
Հայաստանի Ձյուդոյի ֆեդերացիայից տեղեկացնում են, որ մայիսի 30-ից մեր ձյուդոիստները կմասնակցեն եռօրյա ուսումնամարզական հավաքի եւ կմեկնեն Ռումինիայի մայրաքաղաք Բուխարեստ` մասնակցելու աշխարհի հերթական գավաթի խաղարկությանը եւ ուսումնամարզական հավաքին: Ապրիլին Ստամբուլի Եվրոպայի առաջնության անհաջող մասնակցությունից հետո սա մեր ձյուդոիստների առաջին մեկնարկն է: