2012թ.-ի աշնանը Հայաստանի տարածքում կանցկացվեն ՀԱՊԿ-ի արագ արձագանքման հավաքական ուժերի զորավարժություններ
24-11-2011 18:09:00 | Հայաստան | Քաղաքական
Նոյեմբերի 21-ից 24-ը Երեւանում էր գտնվում ՀԱՊԿ-ի գլխավոր քարտուղարի տեղակալ Վալերի Սեմերիկովի գլխավորած պատվիրակությունը` ՀԱՊԿ-ի արագ արձագանքման հավաքական ուժերի հետ համատեղ համալիր զորավարժությունների նախապատրաստմանը նվիրված խորհրդակցություններին մասնակցելու նպատակով: Զորավարժությունը ծրագրված է անցկացնել Հայաստանի տարածքում 2012թ.-ի աշնանը:
Ըստ ՀՀ ՊՆ տեղեկատվության եւ հասարակայնության հետ կապերի վարչության հաղորդագրության, ՀԱՊԿ-ի գլխավոր քարտուղարի տեղակալ Վալերի Սեմերիկովին ընդունել է ՀՀ ազգային անվտանգության խորհրդի քարտուղար Արթուր Բաղդասարյանը: Նա հանդիպումներ է ունեցել նաեւ ՀՀ պաշտպանության նախարարի առաջին տեղակալի, ՀՀ ԶՈՒ ԳՇ պետի, ինչպես նաեւ ՀՀ ոստիկանության, Ազգային անվտանգության ծառայության ու Արտակարգ իրավիճակների նախարարության ղեկավարության հետ: