ԻՐԱՆՈՒՄ ՍԿՍՎԵԼ ԵՆ ԵՌԱԿՈՂՄ ՏՆՏԵՍԱԿԱՆ ԲԱՆԱԿՑՈՒԹՅՈՒՆՆԵՐ
ՀԱՅԱՍՏԱՆԻ ԵՒ ԹՈՒՐՔՄԵՆՍՏԱՆԻ ՄԱՍՆԱԿՑՈՒԹՅԱՄԲ
20-01-1996 16:00:00 | Հայաստան | Միջազգային
Թեհրան Հունվ 20 (ՆՏ-AFP) Իրանի, Հայաստանի եւ Թուրքմենստանի
արտգործնախարարները շաբաթ օրը բանակցություններ են վարել Թեհրանում
իրենց տնտեսական համագործակցությունը խթանելու միջոցառումների
մասին:
Բանակցությունները պետք է շարունակվեն եւս երեք օր, ձգտելով
ուղիներ փնտրել տնտեսության, առեւտրի եւ բանկային ոլորտներում
համագործակցելու, ինչպես նաեւ Հայաստանի եւ Թուրքմենստանի միջեւ
Իրանի տարածքով բեռներ փոխադրելու մասին:
Սա երրորդ նման հանդիպումն է. մինչ այսպիսի հանդիպում կայացել
է անցյալ ապրիլին Թեհրանում եւ հունիսին` Աշխաբադում: