Տիգրան Սարգսյան. «Ռուս ժողովրդի հետ սգում ենք անմեղ զոհերի
հիշատակը»
25-01-2011 17:40:00 | Հայաստան | Քաղաքական
ԵՐԵՎԱՆ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոսկվայի «Դոմոդեդովո»
օդանավակայանում նախօրեին տեղի ունեցած ահաբեկության կապակցությամբ
Հայաստանի վարչապետ Տիգրան Սարգսյանը Ռուսաստանի Դաշնության
վարչապետ Վլադիմիր Պուտինին հղել է ցավակցական ուղերձ, որում
մասնավորապես ասված է.
«Հարգարժան Վլադիմիր Վլադիմիրի,
Հայաստանի Հանրապետության կառավարության անունից անկեղծորեն
ցավակցում եմ Մոսկվայի «Դոմոդեդովո» օդանավակայանում տեղի ունեցած
ահաբեկության հետեւանքով տասնյակ անմեղ մարդկանց զոհվելու առիթով:
Մենք ցնցված եւ վրդովված ենք այդ արյունալի հանցագործությունից:
Այս դժվար պահին ռուս ժողովրդի հետ սգում ենք անմեղ զոհերի
հիշատակը: Խնդրում եմ անկեղծ ցավակցություն հայտնել զոհվածների
ընտանիքներին եւ հարազատներին»: